ગેરકાયદે મકાન પર જામ્યુકોનો હથોડો

જામનગરમાં ગુલાબનગર વિભાપર રોડ પર સરકારી જગ્યામાં ઇકબાલ ખફી નામના શખ્સ દ્વારા કરવામાં આવેલી ગેરકાયદે બાંધકામ જામ્યુકોની એસ્ટેટ શાખા દ્વારા તોડી પાડવામાં આવી છે. થોડા સમય પહેલાં જામ્યુકોની ટુકડી આ ગેરકાયદે બાંધકામ તોડવા માટે ગઇ હતી ત્યારે આ શખ્સે હાથમાં કેરોસીન લઇ આત્મ વિલોપન કરવાની ચિમકી આપતાં હોબાળો મચાવ્યો હતો. પરિણામે જામ્યુકોએ ત્યારે ડિમોલીશનની કાર્યવાહી અટકાવી ગેરકાયદે બાંધકામ 10 દિવસમાં તોડી પાડવાની મહેતલ આપી હતી. તેમ છતાં આ શખ્સ દ્વારા નિયત સમયમાં દબાણ દૂર કરવામાં નહીં આવતાં આજે જામ્યુકોની એસ્ટેટ શાખાની ટુકડી પહોંચી ગઇ હતી અને મકાનના બાંધકામનું ડિમોલીશન શરુ કર્યું હતું.