જામનગરની જી.જી. હોસ્પિટલમાં દવા અને ઓક્સિજનનો સ્ટોક વધારવા તથા આરોગ્ય માટે કોઇપણ જાતની ખામી ન રહે તે માટેની વ્યવસ્થા કરવા વોર્ડ નં. 15ના કોર્પોરેટર આનંદ રાઠોડ દ્વારા કેબિનેટ મંત્રી આર.સી. ફળદુને પત્ર લખી રજૂઆત કરવામાં આવી છે.
- Advertisement -
કોરોનાની મહામારીમાં પરિસ્થિતિ ખૂબ જ ખરાબ થતી જાય છે. જામનગરની જી.જી. હોસ્પિટલમાં ખૂબ મોટી સંખ્યામાં દર્દીઓ છે. જામનગર ઉપરાંત દ્વારકા-પોરબંદર, મોરબી, રાજકોટના દર્દીઓ સારવાર માટે આવી રહ્યાં છે. જેમાં જી.જી. હોસ્પિટલમાં સારી કામગીરી થઇ રહેલ છે. પરંતુ જામનગર શહેરની હાલત અન્ય શહેરો જેવી થવાની દહેશત હોય, એવી પરિસ્થિતિ ન થાય તે માટે તાકિદે કાળજી રાખી આરોગ્ય મંત્રી સાથે રહી જામનગર-જી.જી. હોસ્પિટલની મુલાકાત લઇ ઓક્સિજન બેડ, દવાઓ પુરતો સ્ટાફ અને કોઇપણ જાતની ખામી ન રહે તે માટે વ્યવસ્થા કરવા માંગણી કરવામાં આવી છે.
- Advertisement -
