દ્વારકા વિસ્તારમાં છેલ્લા કેટલાક દિવસોમાં યાત્રિકો ગોમતી નદીમાં ડૂબવાના બનાવો બની ચૂક્યા છે. આ સાથે પાણીમાં અકસ્માતે ડૂબતા લોકો માટે આશીર્વાદરૂપ એવા રીમોટ કંટ્રોલ સંચાલિત રેસ્ક્યુ ક્રાફ્ટ દેવભૂમિ દ્વારકા જિલ્લાને સાંપડ્યું છે.
આ અંગેની વિગતો આપતા જિલ્લા ફાયર અધિકારી મીતરાજસિંહ પરમારે જણાવ્યું હતું કે, ખંભાળિયા જિલ્લા ફાયર વિભાગને સૂચના મળતા પાણીમાં ડૂબતા લોકોને બચાવવાની કામગીરી માટે અત્યાધુનિક એવા રિમોટ કંટ્રોલ વડે સંચાલન થઈ શકે એવું રેસ્ક્યુ ક્રાફ્ટ જિલ્લાને ફાળવાયું હોવાથી આ રેસ્ક્યુ ક્રાફ્ટ દ્વારકા ફાયર વિભાગને સોંપવામાં આવ્યું છે. જેની ટ્રેનિંગ ખંભાળિયા ફાયર વિભાગ દ્વારા દ્વારકા ફાયર વિભાગને આપવામાં આવી હતી.
ત્યારે દ્વારકાની ગોમતી નદી સહિતના દરિયા કે કોઈપણ સ્થળે પાણીમાં ડૂબતા લોકોને બચાવવા માટે રિમોટ કંટ્રોલ ક્રાફ્ટ અતિ મહત્વની ભૂમિકા ભજવશે. જેના પરિણામે જાનહાનિની શક્યતા ખૂબ જ ઘટી જશે.
દેવભૂમિ દ્વારકા જિલ્લા ડિઝાસ્ટર વહીવટી તંત્ર દ્વારા દ્વારકામાં ગોમતી નદીની આસપાસના વિસ્તારમાં કોઈ અનિચ્છનિય ઘટના ના બને તે માટે સલામતીના ભાગરૂપે સિક્યુરિટી જવાનો ખડે પગે રાખવામાં આવ્યા છે. તેમજ ત્યાં દોરડા બાંધવાની પણ કામગીરી કરવામાં આવી છે.
દ્વારકામાં આવેલી ગોમતી નદીમાં સ્નાન ન કરવા જવા માટે દ્વારકાધિશના દર્શને આવતા શ્રદ્ધાળુઓને જિલ્લા વહીવટી તંત્ર તરફથી જિલ્લા કલેકટર રાજેશ તન્ના દ્વારા ખાસ અપીલ કરવામાં આવી છે. સાથે સાથે જિલ્લા વહીવટી તંત્ર દ્વારા કોઈ અનિચ્છનિય ઘટનાના બને તે માટે ગોમતી નદીની આસપાસના વિસ્તારમાં સિક્યુરિટી જવાનો ખડે પગે રાખવામાં આવ્યા છે. આટલું જ નહીં, અહીં દોરડા બાંધવાની પણ કામગીરી કરવામાં આવી છે.
આગામી સમયમાં હરિદ્વારની જેમ રેલિંગ બાંધવાની કામગીરીનું પ્લાનિંગ પણ સુચારૂં રીતે કરવાનું આયોજન વહીવટી તંત્ર દ્વારા કરવામાં આવનાર છે. આ ઉપરાંત શ્રદ્ધાળુઓની સલામતીના ભાગરૂપે હાઇ સ્પીડ રેસ્ક્યુ બોટ તેમજ રીમોટ ક્ધટ્રોલ લાઇફ બોય સ્ટેન્ડબાય રાખવામાં આવ્યા છે. આ સાથે ગોમતી નદીમાં શ્રદ્ધાળુઓ સ્નાન કરવા ન જાય તે માટે જરૂરી પૂરતી વ્યવસ્થાઓ પણ વહીવટી તંત્ર દ્વારા કરવામાં આવી છે.
