હાલમાં ભારત સહિત વિશ્વભરમાં પ્રકાશ પર્વ દિવાળીની ઉત્સાહભેર ઉજવણી થઈ રહી છે. આ ક્રમમાં અમેરિકાના વ્હાઇટ હાઉસ ખાતે પણ દિવાળીની ઉજવણી ખૂબ જ ધામધૂમથી કરવામાં આવી હતી. રાષ્ટ્રપતિ ડોનાલ્ડ ટ્રમ્પે ઓવલ ઓફિસમાં દીવો પ્રગટાવીને આ પવિત્ર તહેવારની ઉજવણી કરી હતી, જ્યાં તેમને વિશેષ ભેટ તરીકે ‘હનુમાન ચાલીસા’ અર્પણ કરવામાં આવી હતી.
શુક્રવારે વ્હાઇટ હાઉસની ઓવલ ઓફિસમાં આ ખાસ દિવાળી ઉજવણીનું આયોજન કરવામાં આવ્યું હતું. આ પ્રસંગે અમેરિકામાં ભારતના રાજદૂત વિનય મોહન ક્વાત્રા સહિત અનેક અગ્રણી ભારતીય-અમેરિકન અધિકારીઓ, ઉદ્યોગસાહસિકો અને મોટી કંપનીઓના સીઈઓ ઉપસ્થિત રહ્યા હતા.
કાર્યક્રમ દરમિયાન GOQii ટેક્નોલોજીસના સ્થાપક અને CEO વિશાલ ગોંડગાલે રાષ્ટ્રપતિ ડોનાલ્ડ ટ્રમ્પને ગૌસ્વામી તુલસીદાસ રચિત ‘હનુમાન ચાલીસા’ની એક પ્રત ભેટમાં આપી હતી. ગોંડગાલે સોશિયલ મીડિયા પ્લેટફોર્મ X પર આ ક્ષણના ફોટોઝ શેર કરતા લખ્યું કે, “ઓવલ ઓફિસમાં રોશની શેર કરવાનો આ એક ઐતિહાસિક ક્ષણ છે. કરોડો લોકોની હિંમત, ભક્તિ અને શક્તિના પ્રતીક સમાન હનુમાન ચાલીસા ટ્રમ્પને અર્પણ કરતા ગર્વ અનુભવાય છે.”
A moment of shared light in the Oval Office. 🪔
Honored to celebrate Diwali with President @realDonaldTrump and proud to gift him with a copy of the Hanuman Chalisa, Tulsidas’s hymn to Lord Hanuman that millions of us recite for courage, devotion and strength.
As the diyas were lit, my prayer was for friendship between India and America, and for the triumph of light over darkness.
Jug Jug Jiyo, a blessing many of us grew up hearing, means “may you live for ages.” It is the wish behind everything I do, and today I made it for everyone around the world: peace, prosperity, good health and longevity.
Happy Diwali. Jug Jug Jiyo. 🙏
@TheVikasKhanna @DhallaRuby @WhiteHouse
— Vishal Gondal (@vishalgondal) November 6, 2026
આ ઉજવણીમાં યુએસ વિદેશ સચિવ માર્કો રુબિયો, ડેપ્યુટી કમિશનર અર્જુન મોદી, આઈબીએમ (IBM) ના સીઈઓ અરવિંદ કૃષ્ણા, એફબીઆઈ (FBI) ડિરેક્ટર કાશ પટેલ, યુએસ એનઆઈએચ (NIH) ડિરેક્ટર જય ભટ્ટાચાર્ય, પ્રખ્યાત શેફ વિકાસ ખન્ના, માઇક્રોન ટેકનોલોજીના સંજય મેહરોત્રા અને ધલ્લા ગ્રુપના સીઈઓ રૂબી ધલ્લા સહિતના અગ્રણી ભારતીય અને અમેરિકન અગ્રણીઓએ ભાગ લીધો હતો.
વ્હાઇટ હાઉસમાં દિવાળી ઉજવવાની પરંપરા આજે 23 વર્ષ જૂની થઈ ચૂકી છે. આ પરંપરાની શરૂઆત વર્ષ 2003માં તત્કાલીન રાષ્ટ્રપતિ જ્યોર્જ ડબલ્યુ. બુશે કરી હતી. ત્યારબાદ 2009માં રાષ્ટ્રપતિ બરાક ઓબામા વ્હાઇટ હાઉસના ઇસ્ટ રૂમમાં વ્યક્તિગત રીતે દીવો પ્રગટાવનારા પ્રથમ યુએસ રાષ્ટ્રપતિ બન્યા હતા. ત્યારથી ઓવલ ઓફિસ અને રૂઝવેલ્ટ રૂમ જેવા મુખ્ય વિભાગોમાં આ પરંપરા નિરંતર ઉજવાતી આવી છે.
