જામનગર : કંઈક આવું બનશે ટાઉનહોલ પાસેનું ટ્રાફિક આયલેન્ડ

જામનગરમાં ટાઉનહોલ પાસે ખખડધજ હાલતમાં રહેલા ટ્રાફિક આયલેન્ડનું રિલાયન્સ દ્વારા રી-ડેવલપમેન્ટ કરવામાં આવશે.
વનતારાની થીમ પર રિલાયન્સ દ્વારા તેમના ખર્ચે અહીં અદ્યતન અને સુંદર ટ્રાફિક આઇલેન્ડનું નિર્માણ થવા જઈ રહ્યું છે.
આ આઇલેન્ડમાં ઉભો સિંહ, ફેલો હરણ અને ક્રેન પક્ષીના સ્કલ્પચર મુકવામાં આવશે.આ ઉપરાંત વિવિધ જાતના ફુલછોડ પણ ઉગાડવામાં આવશે. જેમાં મીલી રેડ ફલાવર, સાયકાસ રિવોલ્યુટા, સ્પાઈડર લીલી, યુકા રેકયુરવા, પર્પલ ફાઉન્ટેન ગ્રાસ, કોગોન ગ્રાસનો સમાવેશ થાય છે.

આ ઉપરાંત અહીં હાઇમાસ્ટ લાઈટીંગ ટાવર પણ યથાવત રાખવામાં આવશે. આ આઇલેન્ડમાં ત્રણ સ્થળે વેલકમ સાયનેજ પણ મૂકવામાં આવશે.