જીએસટી પોર્ટલમાં સતત સર્જાઈ રહેલી ટેકનીકલ ક્ષતિના કારણે સરકારે એપ્રિલ માસના જીએસટી પેમેન્ટની સમયમર્યાદા વધારીને તા.24 મે સુધી લંબાવી છે અને આ પોર્ટલનું સંચાલન કરતી દેશની ટોચની આઈટી કંપની ઈન્ફોસીસને આ ખામીઓ દુરસ્ત કરવા તાકીદ કરી છે. સેન્ટ્રલ બોર્ડ ઓફ ડાયરેકટ ટેક્ષ દ્વારા એક યાદીમાં જણાવાયું છે. એપ્રિલ માસના જીએસટીઆર-3બી ભરવાની આખરી તારીખ 24 મે 2022 સુધી લંબાવાઈ છે. એપ્રિલના જીએસટી રીટર્ન 3-બી જેના આધારે જીએસટી સંબંધીત વેરા ભરપાઈ કરવાના હોય છે તે ટેકનીકલ ક્ષતિના કારણે ભરપાઈ થઈ શકયા નથી તેથી એપ્રિલનું આ રીટર્ન ભરપાઈ કરવાની તારીખ લંબાવી તા.24 મે કરવામાં આવી છે. જીએસટીઆર 3-બી દર મહિનાની તા.20-22-24 ના રોજ અલગ અલગ પ્રકારના કરદાતા માટે અલગ અલગ તારીખ હોય છે પણ હાલ ટેકનીકલ ક્ષતિના કારણે એપ્રિલ 2022નું તે ભરી શકાયું નથી.