પ્રધાનમંત્રીએ પાંચમી ‘વંદે ભારત’ ટ્રેનને પ્રસ્થાન કરાવ્યું

ભારતને આજે પાંચમી વંદે ભારત ટ્રેનની ભેટ મળી છે. વડાપ્રધાન નરેન્દ્ર મોદી આજથી દક્ષિણ ભારતની બે દિવસીય મુલાકાતે છે. આ દરમિયાન તેમણે ચેન્નાઈ-મૈસુર વંદે ભારત એક્સપ્રેસ ટ્રેનની ભેટ આપી છે. આ દેશની પાંચમી અને દક્ષિણ ભારતની પ્રથમ વંદે ભારત ટ્રેન છે. ચેન્નાઈ મૈસૂર વંદે ભારતની ટ્રાયલ રન ચેન્નાઈના એમજી રામચંદ્રન સેન્ટ્રલ રેલવે સ્ટેશનથી શરૂ થઇ છે.

વિશ્ર્વ કક્ષાનું વંદે ભારત સંપૂર્ણપણે સ્વદેશી રીતે નિર્મિત છે અને મુસાકરોને ઘણી આધુનિક સુવિધાઓ પ્રદાન કરે છે. આ ટ્રેન ’મેક ઇન ઇન્ડિયા’નું સફળતમ ઉદાહરણ છે. જણાવી દઈએ કે દેશની પ્રથમ વંદે ભારત ટ્રેન 15 કેબ્રુઆરી, 2019ના રોજ દિલ્હી-કાનપુર-વારાણસી રૂટ પર દોડાવવામાં આવી છે.