જામનગરમાં શ્રમિક યુવાનનો મોબાઇલ અજાણ્યો શખ્સ ઝુંટવી ગયો

જામનગર શહેરમાં સરદાર પાર્ક શેરીમાં રહેતો યુવાન તેની સાઈકલ પર ઈન્દીરા માર્ગ નજીકથી ઘર તરફ જતો હતો તે દરમિયાન લીલા કલરની રીક્ષામાં આવેલા એક શખ્સે યુવાનના ખીસ્સામાંથી મોબાઇલ ઝૂંટવી નાશી ગયાના બનાવમાં પોલીસે તપાસ આરંભી હતી.

આ અંગેની વિગત મુજબ, જામનગરમાં સાંઢીયા પુલ પાસે સરદાર પાર્ક શેરી નં. 4 માં રહેતો પિયુષ કેશવજીભાઇ વઘાડિયા (ઉ.વ.44) નામનો લેથકામ કરતો યુવાન બુધવારે રાત્રિના સમયે સાઈકલ પર તેના ઘરે જતો હતો ત્યારે ઈન્દીરા માર્ગ નજીક પહોંચ્યો તે સમયે લીલા કલરની રીક્ષા લઇને આવેલા ત્રીસેક વર્ષના અજાણ્યા શખ્સે યુવાનના ખીસ્સામાંથી મોબાઇલ ઝુંટવી લઇ પલાયન થઈ ગયો હતો. ત્યારબાદ યુવાને મોબાઇલ ઝુંટવી ગયાની અજાણ્યા શખ્સ વિરુધ્ધ ફરિયાદ નોંધાવતા પીએસઆઈ આર.ડી. ગોહિલ તથા સ્ટાફે આગળની કાર્યવાહી હાથ ધરી હતી.