ગુજરાતના અલગ અલગ જિલ્લાઓમાં લગ્ન કરાવવાના બહાને લોકો પાસેથી લાખોની છેતરપિંડી કરનાર તથા વર્ષ 2015માં જામનગરના યુવકને લગ્નની લાલચ આપી 1.70 લાખની છેતરપિંડી કરનાર ગેંગનો મુખ્ય માસ્ટર માઈન્ડ અને છેલ્લા સાત વર્ષથી નાસતા ફરતા આરોપીને જામનગર પેરોલ ફર્લો સ્કવોર્ડે મહેસાણા ખાતેથી ઝડપી લઇ સિટી સી ડિવિઝન પોલીસને સોંપી આપ્યો હતો.
આ અંગેની વિગત મુજબ, જામનગર સિટી સી ડિવિઝનમાં વર્ષ 2015 માં નોંધાયેલ યુવકનું લગ્નની લાલચ આપી 1,70,000 ની છેતરપિંડી આચરનાર ગેંગનો મુખ્ય આરોપી છેલ્લાં સાત વર્ષથી નાસતો ફરતો હોય તેમજ ગુજરાતના અલગ-અલગ જિલ્લાઓમાં પણ લગ્ન કરાવવાના બહાને લોકો પાસેથી લાખોની છેતરપિંડી કરનાર આરોપી અહેમદ કુરેશી હાલમાં મહેસાણા ખાતે હોવાની પેરોલ ફર્લો સ્કવોર્ડના કાસમભાઇ બ્લોચ, ગજેન્દ્રસિંહ જાડેજા, ગોવિંદભાઈ ભરવાડ, સલીમભાઈ નોયડા અને ભરતભાઈ ડાંગરને મળેલ બાતમીના આધારે મહેસાણા પાસે આવેલ લાખવડ ગામેથી રેઈડ દરમિયાન આરોપી હરેશભાઈ ઉર્ફે કુરેશી અહેમદભાઈ ઉર્ફે બાબભાઇ ઈમામભાઈ નામના શખ્સને ઝડપી લીધો હતો અને વધુ કાર્યવાહી માટે સિટી સી ડિવિઝન પોલીસને સોંપી આપ્યો હતો.
આ કાર્યવાહી પેરોલ ફર્લો સ્કવોર્ડના પીએસઆઈ એ.એસ. ગરચર, એએસઆઈ ગોવિંદભાઈ ભરવાડ, હેકો લખધીરસિંહ જાડેજા, રાજેશભાઈ સુવા, પ્રવિણસિંહ જાડેજા, ગજેન્દ્રસિંહ જાડેજા, સલીમભાઈ નોયડા, કાસમભાઈ બ્લોચ, ભરતભાઈ ડાંગર, રણજીતસિંહ પરમાર, પો.કો. મહિપાલભાઈ સાદિયા, ધર્મેન્દ્રભાઈ વૈષ્ણવ, હેકો અરવિંદગીરી ગોસાઈ તથા એલસીબીના હેકો નિર્મળસિંહ જાડેજા અને પો.કો. બળવંતસિંહ પરમાર દ્વારા કરવામાં આવી હતી.
