જામજોધપુરના ઝીણાવારી ગામની બંધિયુ સીમમાં વાડીમાંથી જામનગર એલસીબી પોલીસે જુગારનો અખાડો ઝડપી લઇ 6 શખ્સોને જુગાર રમતા ઝડપી લઇ રૂપિયા 1,87,000ની રોકડ, મોટર સાયકલ, મોબાઇલ ફોન સહિત કુલ રૂા. 3,52,000નો મુદામાલ કબ્જે કરી જુગારધારા હેઠળ ગુનો નોંધી કાયદેસરની કાર્યવાહી હાથ ધરી હતી.
જુગાર દરોડાની વિગત મુજબ જામજોધપુર તાલુકામાં ઝીણાવારી ગામની બંધિયુ સીમમાં ધર્મેશ જેશા કારેણા નામના શખ્સની વાડીની ઓરડીમાં નાલ ઉઘરાવી જુગારનો અખાડો ચલાવતો હોવાની જામનગર એલસીબીને મળેલ બાતમીના આધારે જામનગર એલસીબીએ રેઇડ દરમ્યાન ધર્મેશ જેશા કારેણા, હિરેન ભગવાનજી અમલાણી, ઇકબાલ સુલેમાન ઉતેજા, કાસમ સુલેમાન ઘુઘા, ઉમંગ પ્રવીણ પરમાર તથા આદમ કારા નોઇડા સહિતના 6 શખ્સોને તીનપત્તીનો જુગાર રમતા ઝડપી લીધા હતા. રેઇડ દરમ્યાન પોલીસે રૂા. 1,87,000ની રોકડ, રૂા. 1.20 લાખની કિંમતના ચાર નંગ મોટરસાયકલ તથા રૂા. 45 હજારની કિંમતના નવ નંગ મોબાઇલ ફોન સહિત કુલ રૂા. 3,52,000ની કિંમતનો મુદામાલ કબ્જે કર્યો હતો.
