જામજોધપુરમાંથી નશાકારક કેફી પીણાની બોટલોનો જથ્થો ઝડપાયો

જામનગર એસઓજી પોલીસે જામજોધપુરમાંથી નશાકારક કેફી પીણાની 119 નંગ બોટલ ઝડપી લીધી હતી અને આ અંગે વધુ તપાસ હાથ ધરી હતી.

આ અંગેની વિગત મુજબ, જામનગર એસઓજીના હર્ષદકુમાર ડોરીયા, રાજેશભાઈ મકવાણા તથા વિરેન્દ્રસિંહ જાડેજાને જામજોધપુરમાં ગીંગણી રોડ જકાતનાકા પાસે આવેલ મેગનેમ બિયરશોપ નામની દુકાનમાં શંકાસ્પદ નશાકરાક કેફી પીણાનો જથ્થો વેંચાણ માટે રાખ્યો હોવાની બાતમી મળી હતી. જેના આધારે જિલ્લા પોલીસવડા પ્રેમસુખ ડેલુની સૂચના અને એસઓજીના પીઆઇ બી.એન. ચૌધરી, પીએસઆઈ જે.ડી. પરમાર તથા આર.એચ.બાર સહિતના સ્ટાફ દ્વારા રેઈડ દરમિયાન મેગનેમ બિયરશોપના માલિક હિમાંશુભાઈ પટેલની દુકાનમાંથી જઞગગઈંગઉછઅ ની રૂા.5250 ની કિંમતની 35 નંગ બોટલો તથા જઝઘગઊઇંઊઅક ની રૂા.12,600 ની કિંમતની 84 નંગ બોટલો સહિત કુલ રૂા.17,850 ની કિંમતની 119 નંગ બોટલો સહિતનો મુદ્દામાલ ઝડપી લીધો હતો.