Video : જામ્યુકો દ્વારા મૂર્તિ વિસર્જન માટે બે સ્થળોએ કૃત્રિમ કુંડ તૈયાર કરાયા

જામનગર મહાનગરપાલિકા દ્વારા ગણેશ મહોત્સવ અન્વયે ગણેશજીની મૂર્તિઓના વિસર્જન માટે બે સ્થળોએ કૃત્રિમ કુંડ તૈયાર કરવામાં આવ્યા છે.

જેમાં જામનગર, રાજકોટ રોડ સ્કવોડાના શો-રૂમ સાથે પ્લોટ નં. 47 ખાતે તેમજ લાલપુર બાયપાસથી રણજીતસાગર તરફ જતાં પુલની જમણી બાજુએ આવેલ સરદાર રિવેરાની અંદર વિસર્જન કુંડ બનાવવામાં આવ્યા છે. આથી શહેરીજનોએ તમામ મૂર્તિઓને આ વિસર્જન કુંડમાં મૂર્તિ વિસર્જન કરવા અને પર્યાવરણની જાળવણીમાં સહભાગી થવા જામ્યુકો દ્વારા અનુરોધ કરવામાં આવ્યો છે.