VIDEO : તળાવની પાળે હસ્તકલા પ્રદર્શન કમ વેચાણ ખુલ્લુ મૂકવામાં આવ્યું

પારંપારિક હસ્તકલાને પ્રોત્સાહન આપવાના ભાગરૂપે ઇન્ડેકસ-સી દ્વારા જામનગરમાં લાખોટા લેક પરિસરમાં હસ્તકલા પ્રદર્શન કમ વેચાણનું આયોજન કરવામાં આવ્યું છે. આ પ્રદર્શનનું ઉદ્ઘાટન મેયર બીનાબેન કોઠારીના હસ્તે કરવામાં આવ્યું હતું.

આગામી 23 ઓકટોબર સુધી યોજાનારા આ પ્રદર્શન કમ વેચાણમાં કુલ 22 કલાકારોના સ્ટોલ મુકવામાં આવ્યાં છે. આત્મનિર્ભર ભારત અભિયાનને વેગ આપવાના ઉદ્ેશ સાથે યોજવામાં આવેલા આ પ્રદર્શન કમ વેચાણમાં જુદી જુદી હસ્તકલાઓ પ્રદર્શિત કરવામાં આવી છે. મેયર બીનાબેન કોઠારીએ જામનગર શહેરના લોકોને આ પ્રદર્શનની મુલાકાત લેવા અને હસ્તકલાની વસ્તુઓ ખરીદી કલાકારોને પ્રોત્સાહન આપવા માટે અપીલ કરી છે.