જોડિયા તાલુકાના માધાપર ગામે પોલીસે સાત શખ્સોને તીનપતિનો જૂગાર રમતા ઝડપી લઇ રૂા.5270 ની રોકડ સહિતનો મુદ્દામાલ કબ્જે કર્યો હતો. કાલાવડ તાલુકાના શીતલા કોલોનીમાં જાહેરમાં તીનપતિનો જૂગાર રમતા ચાર શખ્સોને પોલીસે રૂા.1650 ની રોકડ રકમ સહિતના મુદ્દામાલ સાથે ઝ9પી લીધા હતાં.
જૂગાર દરોડાની વિગત મુજબ, પ્રથમ દરોડો જોડિયા તાલુકાના માધાપર ગામે દેવીપૂજકવાસમાં આવેલ વિહોત માતાજીના મંદિરના પટાંગણમાં તીનપતિનો જૂગાર રમાતો હોવાની બાતમીના આધારે સ્થાનિક પોલીસે રેઈડ દરમિયાન ગણેશભાઈ દેવશી દશકીયા, દિલીપ અમરશી દશકીયા, ઝવેર ભીખુરામ દશકીયા, પપુ ગોરધન દશકીયા, વિપુલ પોપટ દશકીયા, પ્રવિણ દેવશી દશકીયા તથા દામજી ગીરધર દશકીયા નામના સાત શખ્સોને રૂા.5270 ની રોકડ રકમ તથા રૂા.8500 ની કિંમતના 5 નંગ મોબાઇલ ફોન સહિત રૂા.13,770 ના મુદ્દામાલ સાથે ઝડપી લઇ જૂગારધારા હેઠળ ગુનો નોંધી કાર્યવાહી હાથ ધરી હતી.
બીજો દરોડો, કાલાવડ તાલુકાના શીતલા કોલોનીમાં રણુજા ચોકડી પાસે જાહેરમાં તીનપતિનો જૂગાર રમાતો હોવાની બાતમીના આધારે પોલીસે રેઈડ દરમિયાન ટપુ રમુ સાડમીયા, વાલજી લાલજી સાડમીયા, દેવા રમુ સાડમીયા, નટુ રમુ સાડમીયા નામના ચાર શખ્સોને 1650 ની રોકડ સાથે જૂગાર રમતા ઝડપી લઇ કાયદેસરની કાર્યવાહી હાથ ધરી હતી.
