જામનગર નજીક ધ ફોરેસ્ટ રિસોર્ટ પાસે જાહેરમાં તીનપતિનો જૂગાર રમતા છ શખ્સોને પોલીસે રૂા.62,350ની રોકડ રકમ સાથે ઝડપી લીધા હતાં. જામજોધપુરના ધ્રાફા ગામની સીમમાં તીનપતિનો જૂગાર રમતા પાંચ શખ્સોને રૂા.16400ના મુદ્દામાલ સાથે ઝડપી લીધા હતાં. જામનગરના હનુમાન ટેકરી વિસ્તારમાંથી સીક્કા ઉછાળી કાટછાપનો જૂગાર રમતા ત્રણ શખ્સોને રૂા.12802 ની રોકડ સાથે ઝડપી લઇ આગળની કાર્યવાહી હાથ ધરી હતી.
જામજોધપુરના કડબાલ ગામમાંથી જૂગાર રમતા ચાર શખ્સોને રૂા.4860ની રોકડ રકમ સાથે ઝડપી લીધા હતાં. જામનગરના કરશનભાઈના ચોકમાંથી પોલીસે રેઇડ દરમ્યાન સાત શખ્સોને રૂા.26,100ની રોકડ સાથે ઘોડી પાસાનો જૂગાર રમતા ઝડપી લીધા હતા. જામનગરના બજરંગપુર ગામમાં તીનપત્તીનો જૂગાર રમતા આઠ શખ્સોને પોલીસે રૂા.10,210ની રોકડ સાથે ઝડપી લીધા હતા. જામજોધપુરના સતાપર ગામમાંથી ચાર મહિલાઓ સહીત પાંચ શખ્સો તીનપતીનો જૂગાર રમતા ઝડપાયા હતા. જામજોધપુરના લીમડા ચોકમાંથી એક શખ્સ વર્લી મટકાના આંકડા લખી જૂગાર રમતો ઝડપાયો હતો.આ જ વિસ્તારમાંથી એક શખ્સને રૂા.830ની રોકડ સાથે વર્લી મટકાના આંકડા લખી જૂગાર રમતો ઝડપાયો હતો.
જામજોધપુરના ગીંગણી ગામમાંથી પોલીસે રૂા.650ની રોકડ સાથે એક શખ્સ ને વર્લી મટકાના આંકડા લખી જૂગાર રમતો ઝડપાયો હતો. જામનગરના શંકરટેકરી વિસ્તારમાંથી સીટી સી પોલીસે એક શખ્સને રૂા.10,300ની રોકડ સાથે વર્લી મટકાના આંકડા લખતો ઝડપી લીધો હતો. જામનગરના જાંબુડા ગામ માંથી તીનપત્તી નો જૂગાર રમતા સાત શખ્સોને પોલીસે રૂા.10,230ની રોકડ સાથે ઝડપી લીધા હતા.
જૂગાર દરોડાની વિગત મુજબ, પ્રથમ દરોડો જામનગર તાલુકાના ધ ફોેરસ્ટ રિસોર્ટ નજીક જાહેરમાં તીનપતિનો જૂગાર રમતા હસમુખ રાઘવ નંદા, વિશાલ ઉર્ફે ખોળો ખીમા લૈયા, સંદીપ અમૃતલાલ નંદા, જયેશ સોમા ઘાવતર, સવજી કાના ઘાવતર તથા હિરેન વિજય લખીયર નામના છ શખ્સોને જાહેરમાં તિનપત્તીનો જુગાર રમતા ઝડપી લઇ કુલ રૂા. 62350નો મુદ્ામાલ કબજે કર્યો હતો.
બીજો દરોડો જામજોધપુરના ધ્રાફા ગામની કલિયા નામે ઓળખાતી સીમ વિસ્તારમાં વડલાના ઝાડ નીચે જાહેરમાં તિનપત્તીનો જુગાર રમાતો હોવાની બાતમીના આધારે સ્થાનિક પોલીસે બિપીન વલ્લભ રાબડીયા, વિજય ગોરાભાઇ સોલંકી, કાંતિલાલ માવજી ભાલોડીયા, હરેશ ભવાનભાઇ ચૌહાણ, મહેન્દ્ર વિઠ્ઠલ વરાણીયા નામના છ શખ્સોને રૂા. 13400ની રોકડ, રૂા. 3000ની કિંમતના પાંચ નંગ મોબાઇલ ફોન મળી કુલ રૂા. 16400ના મુદ્ામાલ સાથે તિનપત્તીનો જુગાર રમતા ઝડપી લીધા હતાં.
ત્રીજો દરોડો જામનગર શહેરમાં હનુમાન ટેકરી નજીક રેલવેના પાટા પાસે જાહેરમાં ચલણી રૂપિયાનો સિક્કો ઉછાળી કાટ-છાપનો જુગાર રમતા ધર્મેન્દ્રસિંહ બટુકસિંહ વાળા, ધર્મેશ કમાલભાઇ વાઘેલા તથા જગતસિંગ રામસિંગ માલપરા નામના ત્રણ શખ્સોને રૂા. 12802ની રોકડ તથા બે રૂપિયાના ચલણી સિક્કા સહિતના મુદ્ામાલ સાથે ઝડપી લીધા હતાં.
ચોથો દરોડો જામજોધપુરના કડબાલ ગામમાં વિપુલભાઇ વિંઝુડાની પાનની દુકાન પાસે જાહેરમાં તિનપત્તીનો જુગાર રમતા મયૂર ગોવાભાઇ ચંદ્રવાડીયા, જગમાલ લખુ ડાંગર, ખીમા મેરા બરાઇ, નારણ લાખા બરાઇ, નામના ચાર શખ્સોને રૂા. 4860ની રોકડ સહિતના મુદ્ામાલ સાથે ઝડપી લીધા હતાં.
પાંચમો દરોડો જામનગર શહેરમાં દેવુભાના ચોકની બાજુમાં કરશનભાઈના ચોક પાસે જાહેરમાં ઘોડી પાસાનો જૂગાર રમાતો હોવાની બાતમીના આધારે સીટી એ પોલીસે રેઇડ દરમ્યાન પ્રવીણ હીરજી રાઠોડ, નવીન ભીમજી ચાવડા, કુલદીપ અશ્વિન ચૌહાણ, વિજય નવીન ચાવડા, પૂર્વેશ હેમંત રાઠોડ, વિશાલ જીતેન્દ્ર ચુડાસમા તથા ભાવેશ ચંદ્રકાન્ત ચાવડા નામના સાત શખ્સોને રૂા.26,100ની રોકડ તથા ઘોડી પાસા સાથે ઝડપી લીધા હતા.
છઠ્ઠો દરોડો જામનગરના બજરંગપુર ગામમાં ખોડીયાર માતાજીના મંદિરની બાજુમાં જાહેરમાં તીનપતીનો જૂગાર રમાતો હોવાની બાતમીના આધારે પંચ એ પોલીસે રેઇડ દરમ્યાન પ્રવીણ મગન સદાદીયા, રામજી ધનજી ચાંગાણી, કારું હંસરાજ વઢરુકિયા, મગન મોહન બોરસદીયા, ભરત મગન સદાદીયા, રજાક કરીમ સાહમદાર, વિનોદ હંસરાજ વઢરુકીયા, કિશોર શાંતિલાલ ઠાકર નામના આઠ શખ્સોને રૂા. 10,210ની રોકડ તથા ગંજીપત્તા સાથે ઝડપી લઈ જૂગાર ધારાહેઠળ કાર્યવાહી હાથ ધરી હતી.
સાતમો દરોડો, જામજોધપુરના સતાપર ગામમાં ભરડીયાની ધાર પાસે આવેલ ખોળમિલની બાજુમાં જાહેરમાં તીનપતીનો જૂગાર રમાતો હોવાની બાતમીના આધારે સ્થાનિક પોલીસે રેઇડ દરમ્યાન રસિક કુભાભાઈ સરવૈયા તેમજ ચાર મહિલાઓને રૂા.2860ની રોકડ સાથે ઝડપી લઇ નોટીસ આપી હતી.
આઠમો દરોડો જામજોધપુરમાં લીમડાચોક વિસ્તારમાંથી પોલીસે રેઇડ દરમ્યાન બસીર અહેમદ સમા નામના શખ્સને રૂા.860ની રોકડ સાથે વર્લી મટકાના આકડા લખી જૂગાર રમતો ઝડપી લીધો હતો.
નવમો દરોડો આ જ વિસ્તારમાંથી અમિત ઉર્ફે લાલો કાન્તિલાલ દેલવાડીયા નામનો શખ્સ રૂા. 830ની રોકડ તથા 7000ની કિમતના મોબાઈલ ફોન સહિત કુલ રૂા.7830 ના મુદ્દામાલ સાથે વર્લી મટકાના આકડા લખી જૂગાર રમતો ઝડપાયો હતો.
દશમો દરોડો જામજોધપુરમાં ગીંગણી જકાતનાકા પાસે જાહેરમાં વર્લીમટકાના આકંડા લખી જૂગાર રમતો ખાલીદ હુશેન કટારીયા નામનો શખ્સ રૂા. 650ની રોકડ સાથે ઝડપાયો હતો. તેમજ કપાત લેનાર રફીક કાદર કટારીયાની પોલીસ દ્વારા શોધખોળ હાથ ધરી હતી.
અગિયારમો દરોડો જામનગરમાં શંકર ટેકરી હુશેની ચોકમાંથી સીટી સી પોલીસે એજાજ જહૂર મલેક નામના શખ્સને રૂા. 10,300ની રોકડ સાથે જાહેરમાં વર્લી મટકાના આકડા લખી જૂગાર રમતો ઝડપી લીધો હતો.
બારમો દરોડો જામનગરના જાંબુડાગામમાં રામદેવપીરના મંદિરની બાજુમાં જાહેરમાં તીનપતીનો જૂગાર રમાતો હોવાની બાતમીના આધારે પોલીસે રેઇડ દરમ્યાન જૂગાર રમતા ગૌતમ બાબુભાઈ સોલંકી, કમા ગોવિંદ હિરાણી, સંજય મનુ પરમાર,મનુ દેવા ખીમસુરીયા, પ્રકાશ દેવા ખીમસુરીયા, ઉકાભાઈ મેઘાભાઈ ખીમસુરીયા, જીવણ રામભાઈ ભાન નામના સાત શખ્સોને રૂા. 10,230ની રોકડ તથા ગંજીપના સાથે ઝડપી લીધા હતા.
