જામનગર જિલ્લાના જામજોધપુર તાલુકામાં તથા ચેલા ગામેથી એલસીબી પોલીસે દેશી દારૂની ભઠ્ઠી ઉપર રેઈડ કરી દેશી દારૂ, આથો તથા ભઠ્ઠીના સાધનો મળી કુલ રૂા.8800ના મુદ્દામાલ સાથે બે શખ્સોને ઝડપી લીધા હતાં.
પ્રથમ દરોડો, જામજોધપુર તાલુકાના સતાપર ગ્રામ પંચાયત હેઠળના અંધારીયા નેશમાં હેકો ધાનાભાઈ મોરી તથા કોન્સ્ટેબલ રાકેશ ચૌહાણને મળેલ બાતમીના આધારે રેઈડ દરમિયાન મેરાભાઈ હીરાભાઇ હુણના મકાનેથી દેશી દારૂ બનાવવાનો રૂા.3200 ની કિંમતનો 1600 લીટર આથો સાથે મળી આવતા પ્રોહિબીશન ધારા હેઠળ કાયદેસરની કાર્યવાહી કરી હતી.
બીજો દરોડો, જામનગર તાલુકાના ચેલા ગામે હેકો અશોકભાઈ સોલંકી તથા ધાનાભાઈ મોરીને મળેલ બાતમીના આધારે ઘનશ્યામસિંહ મનુભા દેદાના મકાને પ્રવિણસિંહ રામસિંહ દેદા તથા સંદીપસિંહ ભરતસિંહ રાઠોડના કબ્જામાંથી રૂા.600 ની કિંમતનો દેશી દારૂ બનાવવાનો 300 લીટર આથો તથા રૂા.2000 ની કિંમતનો 100 લીટર દેશી દારૂ અને ભઠ્ઠીના સાધનો મળી કુલ રૂા.5600 નો મુદ્દામાલ સાથે ઝડપી લીધા હતાં તેમજ દારૂની ભઠ્ઠી ચલાવનાર ઘનશ્યામસિંહ મનુભા દેદાની શોધખોળ હાથ ધરી હતી.
આ કાર્યવાહી પીઆઇ કે.કે. ગોહિલ તથા આર.બી. ગોજિયા સ્ટાફના માંડણભાઈ વસરા, સંજયસિંહ વાળા, હરપાલસિંહ સોઢા, અશ્ર્વિનભાઈ ગંધા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, રાકેશ ચૌહાણ, લખમણભાઈ ભાટિયા, સુરેશભાઈ માલકિયા, ધમેન્દ્રસિંહ જાડેજા અને દયારામ ત્રિવેદી, ભારતીબેન ડાંગર સહિતના સ્ટાફ દ્વારા કાર્યવાહી કરાઈ હતી.
