સોશિયલ મીડિયા પર અવારનવાર વિવિધ પ્રકારના અકસ્માતો અને ચોંકાવનારા વીડિયો વાઇરલ થતા હોય છે. તાજેતરમાં જ બેંગલુરુથી એક અત્યંત ડરાવનો અને સાવચેતી લાલબત્તી સમાન કિસ્સો સામે આવ્યો છે, જેમાં ગેસ સિલિન્ડર ડિલિવરી દરમિયાન અચાનક ભયાનક આગ લાગી ગઈ હતી. આ સમગ્ર ઘટના ઘરના બહાર લાગેલા CCTV કેમેરામાં કેદ થઈ ગઈ છે.
આ ઘટના બેંગલુરુની હોવાનું સામે આવ્યું છે. CCTV ફૂટેજમાં જોઈ શકાય છે કે ગેસ એજન્સીનો ડિલિવરી બોય ઘર સુધી ગેસ સિલિન્ડર પહોંચાડવા આવ્યો હતો. તે ઘરના દરવાજા પાસે સિલિન્ડર લઈને જઈ રહ્યો હતો, તે જ સમયે લિકેજને કારણે ગેસ ગળતર શરૂ થઈ ગયું હતું. ઘરના પ્રવેશદ્વાર પર જ પૂજા માટે દીવો પ્રગટાવેલો રાખ્યો હતો. સિલિન્ડરમાંથી લીક થયેલો ગેસ તરત જ આ દીવાના સંપર્કમાં આવ્યો હતો અને ક્ષણવારમાં જ ત્યાં ભીષણ આગ ફાટી નીકળી હતી. સદનસીબે, અકસ્માતનો ખ્યાલ આવતા જ ડિલિવરી બોય અને આસપાસના લોકો સમયસર દૂર ખસી જતાં મોટી દુર્ઘટના ટળી હતી.
આ વાઇરલ વીડિયો સોશિયલ મીડિયા પ્લેટફોર્મ X પર @ઇન્ડિયનલાફડા નામના એકાઉન્ટ પરથી શેર કરવામાં આવ્યો છે.
આ ઘટના આપણને ઘરમાં ગેસ સિલિન્ડર લાવતી વખતે કે વાપરતી વખતે રાખવાની સાવચેતીનો મહત્વનો પાઠ ભણાવે છે. ગેસ સિલિન્ડરની ડિલિવરી લેતી વખતે કે ઘરની આસપાસ ખુલ્લી જ્યોત, દીવો કે અગ્નિ હોય ત્યારે વિશેષ કાળજી રાખવી અત્યંત જરૂરી છે. થોડીક પણ અસાવધાની મોટી હોનારતમાં પરિણમી શકે છે, તેથી સુરક્ષાના નિયમોનું પાલન કરવું અનિવાર્ય છે.
A Horrifying Fire Accident Caught on CCTV in Bengaluru! 😳
A massive fire suddenly erupted when gas leaked from a delivery cylinder and came into contact with a lit prayer lamp placed at the entrance of a house . https://t.co/kigulPetqd
— IndianLafda (@IndianLafdaa) November 3, 2026
