ધ્રોલ તાલુકાના સણોસરાના પાટિયાથી ખાખરા ગામ તરફ જવાના માર્ગ પરથી પસાર થતી એક્સયુવી કારને એલસીબીની ટીમએ આંતરીને તલાશી લેતાં તેમાંથી 112 બોટલ દારૂ મળી આવતા પોલીસે શખ્સને રૂા. 4.50 લાખના મુદામાલ સાથે ઝડપી લઇ આગળની કાર્યવાહી હાથ ધરી હતી.
આ દરોડાની વિગત મુજબ ધ્રોલ તાલુકાના સણોસરાના પાટિયાથી ખાખરા ગામના માર્ગ પર પસાર થનારી એક્સયુવી કારમાં દારૂનો જથ્થો હોવાની મયુરસિંહ પરમાર, હિતેન્દ્રસિંહ જાડેજા, કાસમભાઇ બલોચને મળેલી બાતમીના આધારે પોલીસ અધિક્ષક ડો. રવિ મોહન સૈનીની સૂચનાથી પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે વોચ ગોઠવી હતી.
આ વોચ દરમ્યાન બાતમી મુજબની એક્સયુવી કાર નંબર જીજે12-સીજી-7160 પસાર થતાં એલસીબીની ટીમએ આંતરી લીધી હતી. આ કારની તલાશી લેતાં તેમાંથી રૂા. 1,45,600ની કિંમતની ઇંગ્લીશ દારૂની 112 બોટલ મળી આવતાં એલસીબીએ રવિરાજસિંહ દાદુભા ચૌહાણ (રહે. રામેશ્ર્વરનગર, જામનગર)ની ધરપકડ કરી રૂા. 5 હજારની કિંમતનો મોબાઇલ, રૂા. 3 લાખની કિંમતની કાર મળી કુલ રૂા. 4,50,600નો મુદામાલ ઝડપી લઇ પૂછપરછ આદરતાં દારૂનો જથ્થો ધ્રોલ તાલુકાના ખાખરા ગામના મફતસિંહ ઉર્ફે જયપાલસિંહ બળુભા જાડેજાએ મંગાવ્યો હોવાનું અને સુરેન્દ્રનગરના સાયલા ગામના ભાભલુભાઇ કાઠીએ મોકલાવ્યો હોવાની કેફિયત આપતા એલસીબીએ ત્રણ શખ્સો વિરૂઘ્ધ ગુનો નોંધી આગળની તપાસ હાથ ધરી હતી.
