જામનગર શહેરના સ્વામીનારાયણ નગર વિસ્તારમાં ભાડે મકાનમાં રહેતાં શખ્સના ઘરે એલસીબીની ટીમએ રેઇડ દરમ્યાન 106 નંગ દારૂના ચપલા અને એક મોબાઇલ મળી કુલ રૂા. 15,600નો મુદામાલ કબ્જે કર્યો હતો.
દરોડાની વિગત મુજબ જામનગર શહેરના સ્વામીનારાયણ નગર વિસ્તારમાં મામા સાહેબના મંદિરની બાજુમાં ભાડે મકાનમાં રહેતા હિરેન રમેશભાઇ ડોડિયા (ઉ.વ.34) નામના શખ્સના મકાનમાં દારૂનો જથ્થો હોવાની કિશોરભાઇ પરમાર, ભરતભાઇ ડાંગરને મળેલી બાતમીના આધારે પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, ઋષિરાજસિંહ વાળા, મયુરસિંહ પરમાર, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઇડ કરી હતી.
એલસીબીએ રેઇડ દરમ્યાન તલાશી લેતા મકાનમાંથી રૂા. 10,600ની કિંમતના 106 નંગ ઇંગ્લીશ દારૂના ચપલાઓ મળી આવતા પોલીસે રૂા. 5 હજારની કિંમતનો મોબાઇલ અને દારૂના ચપલા સહિત કુલ રૂા. 15,600ના મુદામાલ સાથે આરોપી હિરેનને ઝડપી લઇ પૂછપરછ હાથ ધરતાં દારૂનો જથ્થો રવિ ઉર્ફે કુશ ભાનુશાળી નામના શખ્સે સપ્લાય કર્યાની કેફિયતના આધારે પોલીસે તપાસ હાથ ધરી હતી.
