જામનગર શહેરના દિગ્વીજય પ્લોટ 58 વિસ્તારમાં હિંગળાજ ચોક વિસ્તારમાંથી બાઈક મુકી નાશી ગયેલા શખ્સના બાઈકની તલાસી લેતા તેમાંથી રૂા.10,500 ની કિંમતની 21 બોટલ દારૂ મળી આવ્યો હતો. જામનગરના ડિફેન્સ કોલોનીમાં રહેતી મહિલાના મકાનમાંથી દારૂના ચપટા મળી આવતા પોલીસે મહિલાની શોધખોળ હાથ ધરી હતી. જામનગરના શંકરટેકરીમાંથી દારૂના ચપટા સાથે શખ્સને ઝડપી લીધો હતો.
દરોડાની વિગત મુજબ, પ્રથમ દરોડો જામનગર શહેરમાં દિગ્વીજય પ્લોટ 58મા આવેલા હિંગળાજ ચોક વિસ્તારમાં પોલીસને જોઇ શખ્સ બાઈક મૂકી નાશી ગયો હતો. ત્યારબાદ પોલીસે જીજે-05-એબી-1780 નંબરની બાઈકની તલાસી લેતા તેમાંથી રૂા.10,500 ની કિંમતની 21 બોટલ ઇંગ્લીશ દારૂ મળી આવતા સિટી એ ડીવીઝન પોલીસ સ્ટાફે નાશી ગયેલા કમલેશ ઉર્ફે કાનો નામના શખ્સ વિરૂધ્ધ ગુનો નોંધી તપાસ આરંભી હતી. બીજો દરોડો, જામનગર શહેરમાં વુલનમીલ પાછળ આવેલી ડિફેન્સ કોલોનીમાં મકાન નંબર 306માં રહેતાં શિલાબેન ફ્રાન્સીસ સ્વામી ઉમેદસિંહ જાડેજા નામના મહિલાના મકાનમાં દારૂનો જથ્થો હોવાની બાતમીના આધારે પોલીસ સ્ટાફે રેઈડ દરમિયાન મકાનમાંથી રૂા.6400 ની કિંમતની 64 નંગ ઇંગ્લીશ દારૂના ચપટા મળી આવતા પોલીસે દારૂ કબ્જે કરી મહિલાની શોધખોળ આરંભી હતી.
ત્રીજો દરોડો, જામનગર શહેરના શંકરટેકરી સુભાષપરા શેરી નં.1માથી પસાર થતા ધર્મેશ હરીશ નાખવા નામના શખ્સને સિટી સી ડીવીઝન પોલીસ સ્ટાફે આંતરીને તલાસી લેતા તેના કબ્જામાંથી રૂા.100 ની કિંમતનું એક ચપટુ મળી આવતા પોલીસે ધર્મેશની ધરપકડ કરી હતી.
