જામનગર શહેરમાં હાપા માર્કેટીંગ યાર્ડ પાસેથી સિટી એ પોલીસે ત્રણ શખ્સોને રૂા.90 હજારની કિંમતની 180 નંગ દારૂની બોટલ સાથે ઝડપી લઇ દારૂની બોટલ તથા રીક્ષા સહિત કુલ રૂા.2,40,000 નો મુદ્દામાલ કબ્જે કર્યો હતો.
આ અંગેની વિગત મુજબ, જામનગર શહેરના હાપા માર્કેટીંગ યાર્ડ પાસે લાલવાડી વિસ્તારમાં ત્રણ શખ્સો ઓટો રીક્ષામાં વિદેશી દારૂની હેરાફેરી કરતા હોવાની સિટી એ ના હેકો દેવાયતભાઈ કાંબરીયા, પો.કો. વિક્રમસિંહ જાડેજા તથા હેકો રવિરાજસિંહ જાડેજાને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચના અને નાયબ પોલીસ અધિક્ષક જયવીરસિંહ ઝાલાના માર્ગદર્શન મુજબ સિટી એ ના પીઆઈ એન.એ.ચાવડા, પીએસઆઇ એમ.એન. રાઠોડ, એએસઆઈ કે.પી. જાડેજા, હેકો. દેવાયતભાઈ કાંબરીયા, મહિપાલસિંહ જાડેજા, રવિરાજસિંહ જાડેજા, શૈલેષભાઈ ઠાકરીયા, સુનિલભાઈ ડેર, પો.કો. ખોડુભા જાડેજા, વિજય કાનાણી, રવિભાઈ શર્મા, વિક્રમસિંહ જાડેજા, રાજેન્દ્રસિંહ ડોડિયા અને યોગેન્દ્રસિંહ સોઢા, રાકેશ ચૌહાણ, હિતેશ સાગઠિયા, ઋષિરાજસિંહ જાડેજા સહિતના સ્ટાફે વોચ ગોઠવી જીજે-10-ટીડબલ્યુ-9961 નંબરની ઓટો રીક્ષામાં સાહનવાજ દિલાવર દરજાદા, નજીમ દોસ્તમામદ દરજાદા તથા સાહીલ અલ્તાફ બાહશન નામના ત્રણ શખ્સોને રૂા.90,000 ની કિંમતની 180 નંગ દારૂની બોટલ સાથે ઝડપી લીધા હતાં અને રૂા.1,50,000 ની કિંમતની ઓટો રીક્ષા તથા દારૂની બોટલો સહિત કુલ રૂા.2,40,000 ની કિંમતનો મુદ્દામાલ કબ્જે કર્યો હતો તેમજ વસીમ યુસુફ દરજાદા નામના શખ્સની શોધખોળ હાથ ધરી હતી.
