જામનગર શહેર-જિલ્લામાં ગઇકાલે રવિવારે ભારતના બંધારણના ઘડવૈયા ડો. બાબાસાહેબ આંબેડકરની જન્મજયંતિની ઉજવણી કરવામાં આવી હતી. જામનગર શહેર જિલ્લા ભાજપ, શહેર-જિલ્લા કોંગ્રેસ તેમજ દલિત સમાજ દ્વારા ડો. બાબાસાહેબ આંબેડકરની પ્રતિમાને ફૂલહાર અર્પણ કર્યા હતાં.
ભારતના બંધારણના ઘડવૈયા ડો. બાબાસાહેબ આંબેડકરની જન્મ જયંતિની જામનગરમાં ઉજવણી કરવામાં આવી હતી. શહેરમાં લાલબંગલા સર્કલ ખાતે આવેલ ડો. બાબાસાહેબ આંબેડકરની પ્રતિમા પાસે રોશનીનો શણગાર કરાયો હતો. જામનગર શહેર ભાજપ તથા શહેર કોંગ્રેસ દ્વારા પણ ફૂલહાર કરી ઉજવણી કરવામાં આવી હતી.
જામનગર શહેર-જિલ્લા ભાજપ દ્વારા ડો. બાબાસાહેબ આંબેડકર જન્મ જયંતિની ઉજવણી કરવામાં આવી હતી. આ તકે જામનગર ઉત્તર વિધાનસભાના ધારાસભ્ય રિવાબા જાડેજા, જામનગર દક્ષિણ વિધાનસભાના ધારાસભ્ય દિવ્યેશ અકબરી, મેયર વિનોદભાઇ ખીમસૂર્યા, શહેર ભાજપ પ્રમુખ ડો. વિમલભાઇ કગથરા, જિલ્લા ભાજપ પ્રમુખ રમેશભાઇ મુંગરા, ડે.મેયર ક્રિષ્નાબેન સોઢા, સ્ટે. કમિટી ચેરમેન નિલેશભાઇ કગથરા, શહેર ભાજપ મહામંત્રી વિજયસિંહ જેઠવા, કોર્પોરેટરો મુકેશભાઇ માતંગ, ગોપાલભાઇ સોરઠીયા, પૂર્વધારાસભ્ય લાલજીભાઇ સોલંકી સહિતના અગ્રણીઓ, હોદ્ેદારો, કાર્યકરો વગેરે ઉપસ્થિત રહી ડો. બાબાસાહેબની પ્રતિમાને ફૂલહાર કર્યા હતાં તેમજ કેક કાપી ઉજવણી કરવામાં આવી હતી.
