ગરમી આવી ગઇ છે તાપમાનનો પારો ઉંચો ચડી રહ્યો છે ત્યારે લોકો એસી ઓફિસ અને એસી રૂમમાં રહેવાનું જ પસંદ કરતા રહે છે. તો કેટલાંક રાત્રે પણ સતત એસી ચાલુ રાખીને સુતા હોય છે. ત્યારે સવારે ઉઠતા જ છીંકો અને નાકમાં પાણીની સમસ્યાઓ લગભગ દરેકને જોવા મળતી હશે જો તમારી સાથે પણ આવું થાય છે તો જાણી લો….
ડો. પ્રશાંત સિન્હા કહે છે કે ગરમીમાં એસીમાં બેઠું રહેવાથી રાહત ભલે મળતી હોય છે પરંતુ તે હેલ્થ માટે સારું નથી. જ્યારે એસી રૂમને ઠંડુ ભલે કરે પરંતુ તેનાથી વાતાવરણમાં ભેજનું પ્રમાણ ઓછું થવા લાગે છે. હવા હાય થઈ જાય છે. જેનાથી નાક અને ગળુ પણ સુકાય છે પરિણામે નાકમાંથી પાણી વહે છે, છીકો આવે છે અને ગળામાં પણ ખરાશ અનુભવાતું હોય છે આ ઉપરાંત સ્કીન પણ ડ્રાય થતી જોવા મળે છે. આ ઉપરાંત ઘણાં લોકોને આદત હોય છે કે એસીમાંથી નિકળીને તરત જ ગરમીમાં જાય છે. પરંતુ આવું ના કરવું જોઇએ તાપમામાં થતા આ બદલાવથી શરીર પર અસર પડે છે.
ઘણી વખત એસીનો વપરાશ તો ઘણો થતો હોય છે. પરંતુ તેની સરખી સફાઈ થતી નથી જેના કારણે એસીમાં ધુળ, માટી અને કેટલાંક બેકટેરીયા જમા થાય છે. પરિણામે એસી ચાલુ કરતા જ તે તમામ બેકટેરીયા હવામાં ભળે છે અને નાક, ગળામાં તકલીફો સર્જે છે તો વળી અસ્થમાના પેસન્ટને પણ તકલીફો સુકવી નાખે છે. જેને પરિણામે શરીરમાં પણ પાણીની તંગી વર્તાય છે. શરીર ડીહાઈડ્રેટ થઈ જાય છે અને માથુ પણ દુ:ખવા લાગે છે ત્યારે એસીને લઇને અમુક બાબતોનો ખ્યાલ રાખવો જોઇએ.
એસીની સર્વિસ દર વર્ષે કરાવવી જોઇએ.
એસીનું તાપમાન ખૂબ ઓછું ન રાખવું.
એસીનું તાપમાન 22 થી 26 વચ્ચે રાખવું જોઇએ.
આખો દિવસ એસીમાં ન રહેવું.
દિવસમાં થોડીવાર બારી ખોલીને રાખવી જોઇએ.
જો આ થોડી બાબતોનું ધ્યાન રાખવામાં આવે તો એસીના કારણે થતી સમસ્યાઓથી બચી શકાય છે.
(અસ્વીકરણ: સલાહ સહિતની આ સામગ્રી માત્ર સામાન્ય માહિતી પ્રદાન કરે છે. તે કોઇપણ રીતે યોગ્ય તબીબી અભિપ્રાયોનો વિકલ્પ નથી. વધુ વિગતો માટે હંમેશા નિષ્ણાંત અથવા તમારા ડોકટરની સલાહ લો.)
