કેરળમાં હાલમાં અછબડાના કેસોમાં જબરદસ્ત ઉછાળો જોવા મળી રહ્યો છે. મિડીયા રિપોર્ટ મુજબ છેલ્લા 75 દિવસમાં રાજયમાં સંક્રમણના કુલ 6744 કેસ નોંધાયા છે અને તેમાંથી 9 લોકોના મોત પણ થયા છે. અછબડાનો રોગ વેરીસેલા-ઝોસ્ટર વાયરસથી થાય છે, જે અત્યંત ચેપી રોગ છે. આમાં, ચેપગ્રસ્ત વ્યક્તિના શરીર પર નાના, લાલ ફોલ્લાઓના ખંજવાળવાળા ફોલ્લીઓ જોવા મળે છે. તાવ, માથાનો દુખાવો અને થાક જેવા લક્ષણો સાથે આ રોગ સતત વધી રહ્યો છે. તે સામાન્ય રીતે બાળકોને વધુ અસર કરે છે, પરંતુ પુખ્ત વયના લોકોને પણ તે થઈ શકે છે. અછબડા ખાસ કરીને સગર્ભા સ્ત્રીઓ અથવા નબળી રોગપ્રતિકારક શક્તિ ધરાવતા લોકોને સૌથી વધુ થાય છે. અછબડાનો રોગ મુખ્યત્વે જયારે ચેપગ્રસ્ત વ્યક્તિ ખાંસી કે છીંક ખાય છે ત્યારે લાળ દ્વારા ફેલાય છે. અછબડાનો રોગ ફોલ્લાઓમાંથી નીકળતા પ્રવાહી સાથે સીધા સંપર્ક દ્વારા પણ ફેલાય છે. આ વાયરસ અત્યંત ચેપી છે, સંક્રમિત થયાના એક કે બે દિવસમાં જ વ્યક્તિના શરીર પર ફોલ્લાઓ થાય છે. આ વાયરસ આંખ, નાક કે મોં દ્વારા શરીરમાં પ્રવેશી શકે છે. ખાસ કરીને શાળાઓ કે ડે કેયર સેન્ટરો જેવા ભીડવાળી જગ્યાઓમાં રોગપ્રતિકારક શક્તિ અથવા રસીકરણના અભાવના કારણે અછબડાનો રોગ થવાનું જોખમ વધી જાય છે.અછબડાના સંક્રમણથી બચવાનો સોપ્રથમ ઉપાય રસીકરણ છે જે વાયરસ સામે અસરકારક રોગપ્રતિકારક શક્તિ પ્રદાન કરે છે. નિયમિત રસીકરણની ખાતરી કરો, સામાન્ય રીતે 12-15 મહિનાની ઉંમરથી લઈને 4-6 વર્ષની ઉંમરના બાળકોને બૂસ્ટર ડોઝ આપવામાં આવે છે. વધુમાં, ચેપગ્રસ્ત વ્યક્તિઓ સાથે નજીકના સંપર્કને ટાળવાથી, ખાસ કરીને તેમના ચેપી સમયગાળા દરમિયાન, સંક્રમણનું જોખમ ઘટાડી શકાય છે.
