પિતાના ઠપકાનું લાગી આવતા પુત્રએ ટ્રેન હેઠળ ઝંપલાવ્યું

જામજોધપુર નજીક  નદીના પુલ પાસે રેલવે ટ્રેક પર બેકારી સંદર્ભે પિતાના ઠપકાનું લાગી આવતા યુવાન પુત્રએ ટે્રન હેઠળ ઝંપલાવી આપઘાત કર્યો હતો.

બનાવ અંગેની વિગત મુજબ, જામજોધપુર તાલુકાના કોટડા બાવીસી ગામમાં રહેતાં અને ખેતમજૂરી કામ કરતા કિશન મુછાર (ઉ.વ.23) નામનો યુવાન હાલમાં કોઇ કામ ધંધો કરતો ન હોવાથી પિતાએ કામ ન કરવા બાબતે ઠપકો આપ્યો હતો. આ ઠપકાનું મનમાં લાગી આવતા શુક્રવારે વહેલીસવારના સમયે જામજોધપુર નજીક આવેલી નદીના પુલ પાસેના રેલવે ટ્રેક પરથી પસાર થતી ટ્રેન હેઠળ ઝંપલાવી આપઘાત કર્યો હતો. બનાવની જાણ થતા પીએસઆઇ એમ.જી.વસાવા તથા સ્ટાફે ઘટનાસ્થળે દોડી જઈ મૃતદેહનો કબ્જો સંભાળી ઓળખ મેળવી કરણાભાના નિવેદનના આધારે આગળની કાર્યવાહી હાથ ધરી હતી.