જામનગર તાલુકાના ગાગવાધાર વિસ્તારમાં રહેતાં શખ્સના મકાનમાંથી પોલીસે રેઈડ દરમિયાન રૂા.21000 ની કિંમતની 42 બોટલ દારૂ સાથે શખ્સને ઝડપી લીધો હતો. જામનગરના મયુરનગર વિસ્તારમાં રહેતાં શખ્સની રીક્ષામાંથી રૂા.20500 ની કિંમતની 41 બોટલ દારૂ સાથે શખ્સને ઝડપી લઈ પૂછપરછ હાથ ધરી હતી.
દારૂના દરોડાની વિગત મુજબ પ્રથમ દરોડો, જામનગર જિલ્લાના ગાગવાધાર વિસ્તારમાં રહેતા અને ડ્રાઈવિંગ કરતા પરબત ભીખા મસુરા નામના શખ્સના મકાનમાંથી દારૂનો જથ્થો હોવાની બાતમીના આધારે હેકો આઈ ડી જાડેજા તથા સ્ટાફે રેઈડ દરમિયાન તલાસી લેતા મકાનમાંથી રૂા.21000 ની કિંમતની ઈંગ્લીશ દારૂની 42 બોટલ મળી આવતા પોલીસે પરબતની ધરપકડ કરી ગુનો નોંધી તપાસ આરંભી હતી. બીજો દરોડો જામનગર શહેરના મયુરનગર વિસ્તારમાં પ્રજાપતિની વાડી પાસે ગરબી ચોકમાં રહેતાં અને ટ્રક ચલાવતા દોલુભા ગુલાબસિંહ જાડેજાના હવાલાવાળી જીજે-10-સીઝેડ-1058 નંબરની રીક્ષામાંથી પીએસઆઈ એસ.એમ. સિસોદીયા તથા સ્ટાફે તલાસી લેતા તેમાંથી રૂા.20500 ની કિંમતની 41 નંગ ઈંગ્લીશ દારૂની બોટલો તેમજ રૂા.2000 ની કિંમતનો મોબાઇલ તથા રૂા.30000 ની કિંમતની રીક્ષા સહિત કુલ રૂા.52500 ના મુદ્દામાલ સાથે દોલુભાની ધરપકડ કરી હતી અને દારૂના જથ્થામાં સંડોવાયેલા સાગર માણેક નામના શખ્સની શોધખોળ આરંભી હતી.
