દારૂના કેસમાં છેલ્લાં દોઢ વર્ષથી ફરાર શખ્સને જામનગર પેરોલ ફર્લો સ્કવોર્ડએ મહેસાણાના જોટાણા તાલુકા ખાતેથી ઝડપી લીધો હતો.
જામનગર સિટી બી ડીવીઝનમાં નોંધાયેલ પ્રોહિબીશનના કેસમાં છેલ્લાં દોઢેક વર્ષથી નાસતો ફરતો આરોપી યશપાલસિંહ ઉર્ફે મામા પ્રવિણસિંહ ઝાલા નામનો શખ્સ મહેસાણામાં હોવાની પેરોલ ફર્લો સ્કવોર્ડના કરણસિંહ જાડેજા, ગજેન્દ્રસિંહ જાડેજા, લખધીરસિંહ જાડેજા તથા ધર્મેન્દ્રભાઈ વૈષ્ણવને મળેલ બાતમીના આધારે પેરોલ સ્કવોર્ડના પીએસઆઈ એએસઆઈ ગોવિંદભાઈ ભરવાડ, હે.કો. લખધીરસિંહ જાડેજા, કરણસિંહ જાડેજા, અરવિંદગીરી ગોસાઈ, ગજેન્દ્રસિંહ જાડેજા, સલીમભાઈ નોયડા, કાસમભાઈ બ્લોચ, ભરતભાઇ ડાંગર, રણજીતસિંહ પરમાર, પો.કો. મહિપાલભાઈ સાદિયા, ધર્મેન્દ્રભાઈ વૈષ્ણવ તથા એલસીબીના હેકો નિર્મલસિંહ જાડેજા, પો.કો. બળવંતસિંહ પરમાર સહિતના સ્ટાફ દ્વારા મહેસાણા જિલ્લાના જોટાણા તાલુકામાંથી આરોપી યશપાલસિંહ આરોપી મામા પ્રવિણસિંહ ઝાલાને ઝડપી લઇ વધુ કાર્યવાહી માટે સિટી બી પોલીસને સોંપી આપ્યો હતો.
