સંસદનું ચોમાસુ સત્ર આજથી શરૂ થયુ છે અને તે 12 ઓગસ્ટ સુધી ચાલશે. આ ચોમાસુ સત્રમાં કુલ 18 બેઠકો યોજાશે અને 24 બિલ રજૂ કરવામાં આવશે. ચોમાસુ સત્ર પહેલા 17 જુલાઈ, રવિવારના રોજ સરકાર દ્વારા બોલાવવામાં આવેલી સર્વપક્ષીય બેઠકમાં વિપક્ષી દળોએ લગભગ 25 મુદ્દાઓ પર સરકાર સાથે ચર્ચાની માંગ કરી હતી. કોંગ્રેસે સર્વપક્ષીય બેઠકમાં પીએમ મોદીની ગેરહાજરી પર કટાક્ષ કર્યો હતો અને કોંગ્રેસના નેતા જયરામ રમેશે તેની મજાક ઉડાવી હતી. 12 ઓગસ્ટ સુધી ચાલનારા સંસદ સત્ર દરમિયાન રાષ્ટ્રપતિ અને ઉપરાષ્ટ્રપતિની ચૂંટણી બંને મહત્વપૂર્ણ બંધારણીય હોદ્દાઓ માટે પણ ચૂંટણી યોજાવાની છે.
રવિવારે સર્વપક્ષીય બેઠકમાં 36 પક્ષોના નેતાઓએ હાજરી આપી હતી. જેમાં ભાજપ, કોંગ્રેસ, 1170, 400, 121018, 90, 1350, 121ઝ અને અન્ય પક્ષોના નેતાઓએ ભાગ લીધો હતો. આ બેઠક બાદ રાજયસભામાં વિપક્ષના નેતા અને કોંગ્રેસના સાંસદ મલ્લિકાર્જુન ખડગેએ કહ્યું કે વિપક્ષ તરફથી 25 મુદ્દાઓ પર ચર્ચાની માંગ કરવામાં આવી હતી, જેમાંથી તેમની પાર્ટી દ્વારા 13 મુદ્દા ઉઠાવવામાં આવ્યા છે.વિપક્ષે જે મુદ્દાઓ પર ચર્ચાની માંગ કરી છે તેમાં મોંઘવારી, અગ્નિપથ યોજના, બેરોજગારી, કેન્દ્રીય તપાસ એજન્સીઓનો દુરુપયોગ અને રૂપિયાના અવમૂલ્યનને ધ્યાનમાં રાખીને અર્થવ્યવસ્થાની સ્થિતિ જેવા મુખ્ય મુદ્દાઓનો સમાવેશ થાય છે. રાજયસભામાં વિપક્ષના નેતા મલ્લિકાઅર્જુન ખડગે જણાવ્યું કે, સરકારને કહ્યું કે, તેઓ અગ્નિપથ સહિત તમામ મુદ્દાઓ પર ચર્ચા તૈયાર છે. બીજી બાજુ સંસદીય કાર્ય મંત્રી પ્રહલાદ જોશીએ જણાવ્યું હતું કે, સર્વદળીય બેઠકમાં સરકાર પોતાની તરફથી જણાવ્યું હતું કે, સંસદમાં ચર્ચા માટે 32 બિલોની સૂચીબદ્ધ કરવામાં આવ્યા છે. જેમાં 14 તૈયાર છે. જેમાં મલ્ટી સ્ટેટ કોઓપરેટિવ સોસાયટીઝ બિલ 2022, પ્રાચીન સ્મારકો અને પુરાતત્વીય સ્થળો અને અવશેષો બિલ, સેન્ટ્રલ યુનિવર્સિટીઝ બિલ અને પ્રેસ એન્ડ રજિસ્ટ્રેશન ઓફ પીરિયોડિકલ બિલ 2022 જેવા મહત્ત્વના બિલોનો સમાવેશ થાય છે. વિપક્ષી પાર્ટીઓએ સરકાર પર ઉતાવળમાં બિલ પાસ કરાવવાનો આરોપ લગાવ્યો છે.
