જામનગર શહેર અને જિલ્લામાં ગુનાખોરી પ્રવૃતિઓ આચરતા શખ્સો સામે કડક કાર્યવાહી અંતર્ગત બે શખ્સો સામે પોલીસે કરેલી પાસાની દરખાસ્ત કલેકટરે મંજૂર રાખતા એલસીબીએ બન્ને શખ્સોની ધરપકડ કરી વડોદરા મધ્યસ્થ અને સુરત-લાજપોર મધ્યસ્થ જેલમાં ધકેલી આગળની કાર્યવાહી હાથ ધરી હતી.
મળતી વિગત મુજબ જામનગર શહેર અને જિલ્લામાં અસામાજિક પ્રવૃતિઓ આચરનારા શખ્સો સામે કડક કાર્યવાહી હાથ ધરવામાં આવી હતી. આ કાર્યવાહી અંતર્ગત જામનગર પોલીસ અધિક્ષક પ્રેમસુખ ડેલુની સૂચનાથી ઇન્ચાર્જ પી.આઇ. કે. કે. ગોહિલ તથા સ્ટાફે પ્રોહીબીશન અને જુગારના ત્રણ ગુના નોંધાવેલા વસીમ અક્રમ ઉર્ફે વસીમ બ્લોચ યુસુફ દરજાદા (ઉ.વ.32) અને પ્રોહીબીશનનો એક ગુનો નોંધાયેલ યુસુફ ગની આંબલિયા (ઉ.વ.45) નામના બે શખ્સો વિરૂધ્ધ પાસાની દરખાસ્ત કરી હતી. જે જિલ્લા કલેકટરે મંજૂર કરતા પીઆઇ કે.કે. ગોહિલ, પીએસઆઈ આર. બી. ગોજિયા તથા સ્ટાફના સંજયસિંહ વાળા, હરપાલસિંહ સોઢા, અશ્ર્વિનભાઈ ગંધા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, ખીમભાઈ ભોચિયા, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, રાકેશ ચૌહાણ, લખમણભાઈ ભાટિયા, સુરેશભાઈ માલકિયા, ધમેન્દ્રસિંહ જાડેજા અને દયારામ ત્રિવેદી, ભારતીબેન ડાંગર સહિતના સ્ટાફે વસીમ અક્રમ અને યુસુફની ધરપકડ કરી હતી.
એલસીબીની ટીમે અગાઉ દારૂની 8388 બોટલ સાથે ઝડપાયેલા વસીમ મકરાણી તાજેતરમાં જુગારના કેસમાં પણ ઝડપાયો હતો. પોલીસે વસીમ અક્રમને વડોદરા મધ્યસ્થ જેલમાં તથા યુસુફ આંબલિયાને સુરત-લાજપોર મધ્યસ્થ જેલમાં ધકેલી આગળની કાર્યવાહી હાથ ધરી હતી.
