મોરેશિયસના પૂર્વ રાષ્ટ્રપતિ અને પૂર્વ પ્રધાનમંત્રી અનિરુદ્ધ જગન્નાથજીનું ગઈકાલે નિધન થયું છે. પદ્મવિભૂષણ સર જગન્નાથજીના સન્માનમાં સમગ્ર ભારતની સાથોસાથ ગુજરાતમાં પણ આજે ૫મી જૂને એક દિવસનો રાજકીય શોક જાહેર કરવામાં આવ્યો છે.
આ અંગે પીએમ નરેન્દ્રમોદીએ ટ્વીટ મારફતે શોક વ્યક્ત કરતા જણાવ્યુ હતું કે, “, મેં મોરિશિસના પ્રધાનમંત્રી પ્રવિંદ જગન્નાથ સાથે ફોન પર વાત કરી અને સર અનિરુદ્ધ જગન્નાથના નિધન પર શોક વ્યક્ત કર્યો. તેમને હિંદ પ્રશાંત વિસ્તારના સૌથી મોટા નેતાઓમાના એક તરીકે અને ભારત તથા મોરિશિસની ખાસ મિત્રતાના પ્રમુખ વાસ્તુકાર તરીકે યાદ કરવામાં આવશે.”
મોરેશિયસના પૂર્વ રાષ્ટ્રપતિ અને પૂર્વ પ્રધાનમંત્રી અનિરુદ્ધ જગન્નાથજીના નિધનના પગલે ગુજરાતમાં આજે એક દિવસનો રાજકીય શોક જાહેર કરવામાં આવ્યો હોવાથી આજે દિવસ દરમિયાન રાષ્ટ્રીય ધ્વજ અર્ધી કાઠીએ ફરકાવવામાં આવશે અને રાજ્યમાં આજના દિવસ દરમિયાન કોઇ સત્તાવાર મનોરંજન કાર્યક્રમો નહીં યોજાય. જગન્નાથને ગત વર્ષે જ ભારત સરકારે પદ્મ વિભૂષણથી સન્માનિત કર્યા હતા.
