જામનગર તાલુકાના નારણપર ગામની સીમમાં આવેલા વાડી વિસ્તારમાંથી અજાણ્યા તસ્કરોએ ત્રાટકીને જુદા જુદા ખેતરોમાંથી રૂા. 61,400ની કિંમતના 730 ફુટ કેબલ વાયર ચોરી કરી ગયાના બનાવમાં પોલીસે તપાસ આરંભી હતી.
- Advertisement -
ચોરીના બનાવની વિગત મુજબ જામનગર તાલુકાના નારણપર ગામની સીમમાં આવેલા મિલનભાઇ નવિનભાઇ નંદા (ઉ.વ.33) તથા અન્ય ખેડૂતોના ખેતરમાંથી અજાણ્યા તસ્કરોએ ત્રાટકીને રૂા. 26,400ની કિંમતનો 4 એમએમનો 330 ફુટ કેબલ તથા રૂા. 7500ની કિંમતનો 2.5 એમએમનો 150 ફુટ કેબલ તેમજ રૂા. 27,500ની કિંમતનો 250 ફુટ 6 એમએમનો કેબલ મળી કુલ રૂા. 61,400ની કિંમતનો 730 ફુટ કેબલ ચોરી કરી ગયા હતા. આ ચોરીના બનાવની મિલનભાઇ દ્વારા જાણ કરાતા એએસઆઇ ડી. બી. જોગિયા તથા સ્ટાફએ ગુનો નોંધી તપાસ આરંભી હતી.
- Advertisement -
