કારમાં છુપાવી ગાંજાની હેરાફેરી! – VIDEO

જામનગરના ફલ્લા ગામ પાસે SOG અને પંચ-એ ડિવિઝન પોલીસની ટીમે સંયુક્ત કાર્યવાહી કરી ગાંજાની હેરાફેરીનો પર્દાફાશ કર્યો છે.

બાતમીના આધારે પોલીસે ફુલીયા ગામ તરફથી આવતી સ્વિફ્ટ કાર પર વોચ ગોઠવી હતી. કાર નંબર GJ-10-DE-5455ને અટકાવી તપાસ કરતાં તેમાંથી 2 કિલો 900 ગ્રામ ગાંજો મળી આવ્યો હતો.

 

View this post on Instagram

 

A post shared by Khabar Gujarat (@khabar.communication)

પોલીસે ગાંજાના જથ્થા સાથે હાજી ઉર્ફે દુનો આદમભાઈ ખત્રીની ધરપકડ કરી છે. આરોપી જામનગરના સુમરા ચાલી વિસ્તારમાં રહેતો હોવાનું સામે આવ્યું છે.

પોલીસે અંદાજે રૂ.1.45 લાખની કિંમતનો ગાંજો તેમજ મોબાઇલ ફોન સહિત કુલ રૂ.1.49 લાખનો મુદ્દામાલ કબજે કર્યો છે.

આ મામલે પંચ-એ ડિવિઝન પોલીસ સ્ટેશનમાં NDPS એક્ટ હેઠળ ગુનો નોંધવામાં આવ્યો છે.

હવે પોલીસ દ્વારા આરોપી ગાંજો ક્યાંથી લાવ્યો હતો અને કોને પહોંચાડવાનો હતો તે અંગે વધુ તપાસ હાથ ધરવામાં આવી છે.