જામનગર તાલુકાના જાંબુડા ગામના પાટિયા પાસેથી કારમાં ઇંગ્લીશ દારૂનો જથ્થો પસાર થવાની બાતમીના આધારે એલસીબીની ટીમએ બે શખ્સોને 54 બોટલ દારૂ સાથે ઝડપી લઇ આગળની કાર્યવાહી હાથ ધરી હતી.
View this post on Instagram
દરોડાની વિગત મુજબ જામનગર તાલુકાના જાંબુડા ગામના પાટિયા પાસેથી કારમાં દારૂના જથ્થાની હેરાફેરી થવાની એલસીબીના મયૂરસિંહ પરમાર, યુવરાજસિંહ ઝાલા, ઋષિરાજસિંહ વાળાને મળેલી બાતમીના આધારે પોલીસ અધિક્ષક ડો. રવિ મોહન સૈનીની સૂચનાથી પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે વોચ ગોઠવી હતી.
દરમ્યાન બાતમી મુજબની એમપી69-ઝેડસી-8459 નંબરની ઇકો કાર પસાર થતાં એલસીબીની ટીમએ કારને આંતરીને તલાશી લેતાં તેમાંથી રૂા. 10,800ની કિંમતની 54 બોટલ સ્પેરવ્હીલમાં ટાયરની રબ્બરની અંદરની સાઇડમાં સંતાડેલી એલસીબીની ટીમએ શોધી કાઢી હતી. રૂપિયા 3 લાખની ઇકો કાર અને રૂા. 10 હજારની કિંમતના બે મોબાઇલ તથા દારૂની બોટલો મળી કુલ રૂપિયા 3,20,800નો મુદ્ામાલ કબ્જે કરી લક્ષ્મણ કંછિયા રાવત (રહે. છોતસરડી, અલીરાજપુર, મઘ્યપ્રદેશ, હાલ ખાખરાબેલા, તા. પડધરી, જિ. રાજકોટ) અને રણજિત ગીલુ કલેશ (રહે. અકોલા ગામ, જિ. અલીરાજપુર, મઘ્યપ્રદેશ, હાલ ખાખરાબેલા, તા. પડધરી, જિ. રાજકોટ) નામના બે શખ્સોને ઝડપી લીધા હતા. બન્નેની પૂછપરછ કરતાં આ જથ્થો અલીરાજપુરના ઠેકાએથી ભરી અને અમરેલીમાં રહેતા બાદલ ભીલના કહેવા મુજબ જામનગર તાલુકાના અલિયાબાડામાં સપ્લાય કરવાનો હોવાની કેફિયત આપી હતી. જેના આધારે એલસીબીએ મુદામાલ કબ્જે કરી આગળની કાર્યવાહી હાથ ધરી હતી.
