જામનગર શહેર અને જિલ્લામાંથી જુગાર રમતા પાંચ શખ્સ ઝડપાયા

જામનગર શહેરમાં પ્રદર્શન મેદાનની અંદર જાહેરમાં કાટ-છાપનો જુગાર રમાતા ત્રણ શખ્સોને પોલીસે રૂા. 26,202ની રોકડ સાથે ઝડપી લઇ આગળની કાર્યવાહી હાથ ધરી હતી.

જુગારના દરોડાની વિગત મુજબ જામનગરના પ્રદર્શન મેદાનમાં દિવાલ પાસે જાહેરમાં કાટ-છાપ ઉછાળી નો જુગાર રમતાં હોવાની બાતમીના આધારે સિટી ‘એ’ ડિવિઝન પોલીસ સ્ટાફે રેઇડ દરમ્યાન હબીબ મહમદ સમા, સાજીદ ગફાર જોખિયા અને ઇમરાન હસન શેખ નામના ત્રણ શખ્સોને ઝડપી લઇ રૂા. 26,202ની રોકડ રકમ કબ્જે કરી આગળની કાર્યવાહી હાથ ધરી હતી.

બીજો દરોડો જામનગર તાલુકાના દરેડ ગામમાં જાહેરમાં તીનપતીનો જુગાર રમાતા સ્થળે પંચકોષી ‘બી’ ડિવિઝન પોલીસ સ્ટાફે રેઇડ દરમ્યાન ધનુ શ્રીકેવલ નોનિયા, દીપક ડોમી મુખિયા, બીકેશ હજારી પટેલ નામના ત્રણ શખ્સોને પોલીસે રૂા. 5500ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી.