જુગાર દરોડાની વિગત મુજબ પ્રથમ દરોડો જામનગર શહેરમાં તીરુપતિ સોસાયટીની શેરી નંબર 6માં રહેતા મહિલા તેના ઘરમાં જુગારધામ ચલાવતા હોવાની એલસીબીના ભરતભાઇ ડાંગર, કિશોરભાઇ પરમારને મળેલી બાતમીના આધારે પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, ઋષિરાજસિંહ વાળા, મયુરસિંહ પરમાર, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઇડ દરમ્યાન પાંચ મહિલા અને હીરેન જેન્તી કાછડિયા, રવિ વજુ ગોહિલ, મયુર જગુ ગોજિયા તથા દેવાયત ભીમજી વાઘેલા સહિતના નવ શખસોને ઝડપી લીધા હતા.
એલસીબીની ટીમએ રેઇડ દરમ્યાન નવ શખ્સો પાસેથી રૂા. 28,200ની રોકડ રકમ, રૂા. 50 હજારની કિંમતના નવ નંગ મોબાઇલ ફોન તથા રૂા. 50 હજારની કિંમતનું બાઇક સહિત કુલ રૂા. 1,28,200નો મુદામાલ કબ્જે કરી ગુનો નોંધી આગળની કાર્યવાહી હાથ ધરી હતી.
બીજો દરોડો ધ્રોલ તાલુકાના લૈયારા ગામના વાડી વિસ્તારમાં જાહેરમાં તીનપતીનો જુગાર રમતા હોવાની બાતમીના આધારે સ્થાનિક પોલીસે રેઇડ દરમ્યાન ઇસ્માઇલ રહીમ બલોચ, સુલ્તાન અલીખા જલવાણી, પરસોતમ નરશીદાસ નીમાવત, અબ્દુલ ઉર્ફે ભીખુ ઇબ્રાહિમ ખેરાણી નામના રાજકોટના ચાર શખ્સોને રૂા. 10,180ની રોકડ સાથે ઝડપી લીધા હતા.
