જામનગર તાલુકાના કનસુમરા ગામના પાટીયા પાસે જાહેરમાં તીનપતિનો જૂગાર રમતા ચાર શખ્સોને પોલીસે રૂા.12300 ની રોકડ રકમ અને ગંજીપના સાથે ઝડપી લીધા હતાં. જામનગર તાલુકાના દરેડ ગામમાં સ્ટ્રીટલાઈટના અંજવાળે તીનપતિનો જૂગાર રમતા છ શખ્સોને પંચ બી પોલીસ સ્ટાફે રૂા.4540 ની રોકડ રકમ સાથે ઝડપી લીધા હતાં.
જૂગાર દરોડાની વિગત મુજબ, જામનગર તાલુકાના કનસુમરા ગામના પાટીયા પાસે આવેલા પેટ્રોલ પંપની બાજુમાં જાહેરમાં તીનપતિનો જૂગાર રમતા હોવાની બાતમીના આધારે પંચકોશી બી ડીવીઝનના પીઆઈ વી.જે. રાઠોડ, એએસઆઈ પી.કે. જાડેજા, એમ.એલ. જાડેજા, પો.કો. સુમિત શિયાળ, પોલાભાઈ ઓડેદરા, ભયપાલસિંહ જાડેજા, જયદીપસિંહ જાડેજા, જયપાલસિંહ જાડેજા સહિતના સ્ટાફે રેઈડ દરમિયાન અરવિંદ મનીરામ જાટવ, રવિન્દ્ર ગણેશ જાટવ, શ્રીરામ રમેશ જાટવ, રામવીરસીંગ છોટેસીંગ ભદોરીયા નામના ચાર શખસોને રૂા.12,300 ની રોકડ રકમ અને ગંજીપના સાથે ઝડપી લીધા હતાં. બીજો દરોડો, જામનગર તાલુકાના દરેડ ગામમાં 72 ખોલી સામે સ્ટ્રીટલાઈટના અંજવાળે જૂગાર રમાતા સ્થળે પોલીસે રેઈડ દરમિયાન છોટે નનેભાઈ ઠાકોર, આશિષકુમાર રાજકુમાર કુછવાહ, સિધ્ધાર્થ શંકર વિશ્ર્વકર્મા, વિકાસ ભુરા બસોર, અંકિત શંકરલાલ પટેલ, વિજય ભુરા બસોર નામના છ શખ્સોને રૂા.4,540 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી.
