જામનગર સિટી સી ડીવીઝનમાં નોંધાયેલ ચોરીના કેસમાં છેલ્લાં એક વર્ષથી ફરાર આરોપીને જામનગર પેરોલ ફર્લો સ્કવોર્ડે અંબર ચોકડી પાસેથી ઝડપી લઇ વધુ કાર્યવાહી માટે સિટી સી પોલીસને સોંપી આપ્યો હતો.
જામનગર સિટી સી પોલીસ સ્ટેશનમાં નોંધાયેલ ચોરીના કેસનો આરોપી કાનજી રમેશ ઝાખલીયા નામનો શખ્સ છેલ્લાં એક વર્ષથી ફરાર હોય, હાલમાં રાજકોટથી એક ઈકો કારમાં બેસી જામનગર આવતો હોય. અને અંબર ચોકડી પાસે ઉતરવાનો હોવાની પેરોલ ફર્લો સ્કવોર્ડના ભરતભાઈ ડાંગર, સલીમભાઈ નોયડા, ગોવિંદભાઈ ભરવાડને બાતમી મળી હતી જેના આધારે જિલ્લા પોલીસવડા પ્રેમસુખ ડેલુની સૂચનાથી એલસીબીના પીઆઈ વી.એમ. લગારીયાના માર્ગદર્શન મુજબ પેરોલ ફર્લો સ્કવોર્ડના પીએસઆઈ એમ.વી. ભાટીયા તથા સ્ટાફ સીઆઈડી ક્રાઈમ ગાંધીનગર તથા આઈજીપી કચેરી રાજકોટ દ્વારા આપવામાં આવેલ ડ્રાઈવ અનુસંધાને ગુનેગારોને શોધવા વર્કઆઉટ કરી રહ્યા હોય. દરમિયાન જામનગર શહેરમાં અંબર ચોકડી પાસેથી આરોપી કાનજી રમેશ ઝાખલીયા ને ઝડપી લીધો હતો અને વધુ કાર્યવાહી માટે જામનગર સિટી સી પોલીસને સોંપી આપ્યો હતો.
આ કામગીરી પેરોલ ફર્લો સ્કવોર્ડના પીએસઆઈ એમ.વી. ભાટીયા, એએસઆઈ ગોવિંદભાઈ ચૌહાણ, લખધીરસિંહ જાડેજા, કરણસિંહ જાડેજા, ગજેન્દ્રસિંહ જાડેજા, હેકો સલીમભાઈ નોયડા, ભગીરથસિંહ સરવૈયા, ભરત ડાંગર, રણજીતસિંહ પરમાર, મહિપાલભાઇ સાદિયા,તથા પો.કો. ધર્મેન્દ્રભાઈ વૈષ્ણવ, હેકો અરવિંદગીરી ગોસાઈ, એલસીબી હેકો નિર્મળસિંહ જાડેજા, પો.કો. બળવંતસિંહ પરમાર સહિતના સ્ટાફ દ્વારા કરવામાં આવી હતી.
