જામનગર તાલુકાના નાઘેડી ધાર વિસ્તારમાં આવેલા રહેણાંક મકાનમાંથી એલસીબીની ટીમે રેઈડ દરમિયાન તલાસી લેતા જુદી જુદી બનાવટની રૂા.50 હજારની કિંમતની 125 બોટલ દારૂ મળી આવતા પોલીસે શખ્સની શોધખોળ માટે ચક્રો ગતિમાન કર્યા હતાં.
દરોડાની વિગત મુજબ, જામનગર તાલુકાના નાઘેડી ગામના ધાર વિસ્તારમાં વિનાયક સોસાયટીમાં રહેતાં વિશાલ દેસાણીના મકાનમાં દારૂનો જથ્થો હોવાની એલસીબીના ફીરોઝ ખફી, શિવભદ્રસિંહ જાડેજા, હરદીપ ધાંધલને મળેલી બાતમીના આધારે પોલીસવડા પ્રેમસુખ ડેલુની સૂચનાથી પીઆઈ જે.વી. ચૌધરી, પીએસઆઈ એસ.પી.ગોહિલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, શરદભાઈ પરમાર, દિલીપભાઈ તલાવડિયા, ભગરથસિંહ સરવૈયા, હરદીપભાઈ ધાંધલ, અશોકભાઈ સોલંકી, વનરાજભાઇ મકવાણા, ધાનાભાઈ મોરી, યશપાલસિંહ જાડેજા, હિતેન્દ્રસિંહ જાડેજા, અજયસિંહ ઝાલા, શિવભદ્રસિંહ જાડેજા, નિર્મળસિંહ જાડેજા, રાકેશભાઈ ચૌહાણ, કિશોરભાઈ પરમાર, સુરેશભાઇ માલકિયા, દયારામ ત્રિવેદી, બિજલભાઈ બાલસરા, ધર્મેન્દ્રસિંહ જાડેજા સહિતનાએ રેઈડ દરમિયાન મકાનની તલાસી લેતા મકાનમાંથી જુદી જુદી બનાવટની રૂા.50 હજારની કિંમતની 125 નંગ દારૂની બોટલો મળી આવતા કબ્જે કરી હતી.
એલસીબીની ટીમે રેઈડ દરમિયાન દારૂનો જથ્થો કબ્જે કરી વિશાલ જેન્તીભાઈ દેસાણી નામના શખ્સની શોધખોળ માટે ચક્રો ગતિમાન કરી ગુનો નોંધી આગળની કાર્યવાહી હાથ ધરી હતી.
