10 વર્ષની બાળકીને તાવ આવ્યા બાદ મૃત્યુ

કાલાવડ તાલુકાના ચારણ પીપળિયા ગામે 10 વર્ષની બાળકીને તાવ આવતો હોય, બેભાન થઈ જતા હોસ્પિટલે ખસેડાતા તબીબોએ મૃત્યુ નિપજ્યાનું જાહેર કર્યુ હતું.

બનાવની વિગત મુજબ, જામનગર જિલ્લાના કાલાવડ તાલુકાના ચારણ પીપળિયા ગામે રહેતી શર્મીલાબેન વેરસિંહભાઇ તંમર નામની 10 વર્ષની બાળકીને છેલ્લાં 5-10 દિવસથી ખૂબ જ તાવ આવતો હોય. દરમિયાન ગત તા.21 જૂનના રોજ રાત્રિના સમયે ખૂબ જ તાવ ચડતા બેભાન જેવી થઈ જતા કાલાવડ સરકારી હોસ્પિટલ ખાતે સારવાર અર્થે લઇ જવામાં આવી હતી. જ્યાં સારવાર દરમિયાન તેણીનું મૃત્યુ નિપજ્યાનું ફરજ પરના તબીબોએ જાહેર કર્યુ હતું. આ અંગે વેરસિંહભાઈ દ્વારા પોલીસને જાણ કરતા કાલાવડના હેકો વી.જે. જાદવ સહિતનો સ્ટાફ હોસ્પિટલ પહોંચી જઇ મૃતદેહનો કબ્જો સંભાળી પીએમ અર્થે ખસેડી વધુ તપાસ હાથ ધરી હતી.