બજેટ પછી આજે શેરબજાર લાલ નિશાન પર ખુલ્યા. સેન્સેક્સ અને નિફ્ટી બંનેમાં તીવ્ર ઘટાડો જોવા મળી રહ્યો છે. અમેરિકાએ ચીન, કેનેડા અને મેક્સિકો પર ટેરિફ વધારવાની જાહેરાત કરી છે. ટ્રમ્પની જાહેરાત પછી, રોકાણકારોમાં ગભરાટ ફેલાયો, જેના કારણે મુખ્ય એશિયન શેરબજારોમાં ભારે ઘટાડો થયો, જેની અસર આજે ભારતીય બજાર પર પણ જોવા મળી રહી છે. શરૂઆતના કારોબારમાં, સેન્સેક્સ 700 પોઈન્ટ ઘટીને 76,827.95 પોઈન્ટ પર પહોંચ્યો. તે જ સમયે, નિફ્ટી 207.90 પોઈન્ટ ઘટીને 23,274.25 પોઈન્ટ પર પહોંચી. ડોલર સામે ભારતીય રૂપિયામાં ઐતિહાસિક ઘટાડો જોવા મળ્યો છે અને તે પહેલીવાર 87 રૂપિયાથી ઉપર ગયો છે. ચલણ બજારની શરૂઆતમાં, ડોલર સામે રૂપિયો 42 પૈસાના ઘટાડા સાથે 87.06 પર ખુલ્યો, જ્યારે વેપાર શરૂ થયાના 10 મિનિટમાં, તે 55 પૈસા ઘટયો. એક ડોલર સામે ભારતીય રૂપિયામાં તીવ્ર ઘટાડાને કારણે, તે ઘટીને 87.17 રૂપિયા પ્રતિ ડોલર થઈ ગયો હતો.
દેશના સામાન્ય બજેટની રજૂઆત પછી આજે શેરબજાર મોટા ઘટાડા સાથે ખુલ્યું. બજેટમાં કરવામાં આવેલી બધી મોટી જાહેરાતોની અસર દેખાવાની અપેક્ષા હતી, પરંતુ તે જોવા મળી ન હતી, સેન્સેક્સ અને નિફ્ટી બંને સૂચકાંકો ભારે ઘટાડા સાથે ખુલ્યા. એક તરફ, શરૂઆતના સમયે ગ્લ્ચ્ સેન્સેક્સ 700 પોઈન્ટ ઘટયો હતો, જ્યારે ફલ્ચ્ નિફ્ટીમાં પણ 200 પોઈન્ટથી વધુનો ઘટાડો જોવા મળ્યો હતો. મોદી સરકારે સામાન્ય બજેટમાં કરેલી અન્ય મોટી જાહેરાતો, જેમાં 12 લાખ રૂપિયા સુધીની આવકને કરમુક્ત કરવાનો સમાવેશ થાય છે, તેની અસર બજારમાં જોવા મળી ન હતી. બીજી તરફ, યુએસ રાષ્ટ્રપતિ ડોનાલ્ડ ટ્રમ્પના ટેરિફ વોરની અસર વૈશ્વિક બજારની જેમ ભારતીય શેરબજાર પર પણ જોવા મળી રહી છે.
બજાર ખુલતાની સાથે જ ઘટાડો વધુ તીવ્ર બન્યો. શેરબજારના મુખ્ય સૂચકાંકોમાં હજુ પણ ઘટાડો ચાલુ છે. શરૂઆતના કારોબારમાં મોટી કંપનીઓના શેર દબાણ હેઠળ હતા અને બેંકિંગ, આઇટી અને ઓટો સેક્ટરમાં ઘટાડો જોવા મળ્યો હતો.
મુંબઈ સ્ટોક એક્સચેન્જનો 30 શેરનો સેન્સેક્સ બજેટના દિવસે 77,505.96ના બંધ સ્તરથી ઘટીને 77,063.94 પર ખુલ્યો અને થોડીવારના ટ્રેડિંગમાં 700 પોઈન્ટથી વધુનો ઘટાડો થયો. સેન્સેક્સની જેમ નિફ્ટીમાં પણ મોટો ઘટાડો જોવા મળી રહ્યો છે. નિફ્ટી 23,319 ના સ્તરે ખુલ્યો, જે તેના અગાઉના બંધ 23,482.15 થી ઘટીને થયો.
બજારમાં ઘટાડાને કારણે, BSE પર લિસ્ટેડ કંપનીઓનું કુલ માર્કેટ કેપ પાછલા ટ્રેડિંગ સત્રમાં રૂ. 424 લાખ કરોડથી ઘટીને રૂ. 419 લાખ કરોડ થયું, જેના કારણે રોકાણકારોને પાંચ દિવસમાં લગભગ રૂ. 5 લાખ કરોડનું નુકસાન થયું. એક તરફ, બજેટની જાહેરાત પછી શેરબજારમાં તેજીની અપેક્ષા હતી, તો બીજી તરફ, રિઝર્વ બેંકની MPC બેઠક અને વૈશ્વિક બજારે બજારના મૂડને મૂંઝવણમાં મૂકી દીધો છે.
