ધુંવાવમાં રીક્ષામાંથી દારૂના જથ્થા સાથે શખ્સને દબોચી લેતી એલસીબી

જામનગર ધુંવાવ ગામ પાસેથી એલસીબીની ટીમે રીક્ષાને આંતરીને તલાસી લેતા 70 બોટલ દારૂ સાથે શખ્સને ઝડપી લીધો હતો. જામનગરના સ્વામિનારાયણ નગરમાં રહેતાં શખ્સના મકાનમાંથી એલસીબીએ ત્રણ શખ્સોને 48 બોટલ દારૂ સાથે ઝડપી લઇ આગળની કાર્યવાહી હાથ ધરી હતી.

દારૂ અંગેના દરોડાની વિગત મુજબ પ્રથમ દરોડો જામનગર તાલુકાના ધુંવાવ ગામમાં રીક્ષામાં દારૂના જથ્થા સાથે શખ્સ પસાર થવાની એલસીબીના હરદીપ બારડ, દિલીપ તલાવડિયા, મયુરસિંહ પરમાર, ઋષિરાજસિંહ વાળાને મળેલી બાતમીના આધારે પીઆઈ વી.એમ. લગારીયા, પીએસઆઇ સી.એમ. કાંટેલિયા, પી.એન. મોરી તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે વોચ ગોઠવી હતી. તે દરમિયાન બાતમી મુજબની વાસ્પા રીક્ષાને આંતરી લીધી હતી.
એલસીબીની ટીમે રીક્ષાની તલાસી લેતા તેમાંથી રૂા.28000 ની કિંમતની ઈંગ્લીશ દારૂની 70 બોટલો મળી આવતા એલસીબીએ કિશન શૈલેષ રામાવત નામના શખ્સને પાંચ હજારના મોબાઇલ અને રૂા.50000 ની રીક્ષા સહિત કુલ રૂા.83000 ના મુદ્દામાલ સાથે ઝડપી લઇ પુછપરછ હાથ ધરતા આ દારૂનો જથ્થો હાપા સોસાયટીમાં રહેતાં પરેશ અરવિંદ ધોકીયા એ મંગાવ્યો હોવાનું અને દારૂ રાજકોટના અપો દરબાર નામના શખ્સે સપ્લાય કર્યો હોવાની કેફિયત આપતા એલસીબીએ ત્રણ શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.

બીજો દરોડો, જામનગરના સ્વામિનારાયણનગરમાં રહેણાંક મકાનમાં દારૂનો જથ્થો હોવાની મયુરસિંહ પરમાર, હરદીપ બારડ, હીતેન્દ્રસિંહ જાડેજા, ઋષિરાજસિંહ વાળાને મળેલી બાતમીના આધારે એલસીબીની ટીમે મહેન્દ્રસિંહ જશુભા ચુડાસમાના મકાનમાં રેઈડ દરમિયાન તલાસી લેતા રૂા.19200 ની કિંમતની ઈંગ્લીશ દારૂની 48 બોટલ મળી આવતા એલસીબીની ટીમે મહેન્દ્રસિંહ જશુભા ચુડાસમા, ધર્મેન્દ્રસિંહ ઉર્ફે ધમો જશવંતસિંહ જાડેજા, અનિલ જેન્તી ચાવડા નામના ત્રણ શખ્સોને રૂા.15000 ની કિંમતના ત્રણ નંગ મોબાઇલ અને દારૂનો જ થ્થો મળી કુલ રૂા.34,200 ના મુદ્દામાલ સાથે ઝડપી લઇ પુછપરછ કરતા દારૂનો જથ્થો સુરેન્દ્રનગર જિલ્લાના ચોટીલામાં રહેતાં અજય રબારીએ સપ્લાય કરી હોવાની કેફિયત આપતા એલસીબીએ ત્રણ શખ્સોને દબોચી લઇ ચાર શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.

ત્રીજો દરોડો, જામનગર શહેરના યાદવનગર શેરી નંબર 2 માં રહેતાં રહેણાંક મકાનમાં એલસીબીની ટીમે રેઈડ દરમિયાન મોહીત ઉર્ફે ઉકેરીયો કિશોર આંબલિયા નામના શખ્સે રૂા.6000 ની કિંમતની 15 બોટલ દારૂ અને રૂા.20 હજારનો મોબાઇલ મળી રૂા.26,000 ની કિંમતના મુદ્દામાલ સાથે ઝડપી લઇ પૂછપરછ હાથ ધરતા દારૂનો જથ્થો રાજસ્થાનના હુકમા રામ દ્વારા કરાયો હોવાની કેફિયતના આધારે બે શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.