આજની ભાગદોડ વાળી લાઈફમાં દરેકને પોતાની સ્કીનની દેખરે કરવા માટેનો સમય મળી રહેતો નથી. પરંતુ, હેલ્થની સાથે સ્કીનને પણ હેલ્દી બનાવવા માટે તેની દેખરેખ જરૂરી છે. ત્યારે ચાલો જાણીએ તમારી બ્યુટી રૂટિનમાં દૂધનો સમાવેશ કરવાના ફાયદાઓ….
01. કરચલીઓ સામે લડે છે : ત્વચાની વૃધ્ધત્વ એક કુદરતી પ્રક્રિયા છે. પરંતુ, કયારેક ત્વચાની સંભાળના અભાવે તો કયારેક સતત સુર્યના સંપર્કમાં રહેવાથી પણ કરચલીઓ થાય છે. ત્યારે દૂધ તેમાં ખૂબ ફાયદાકારક છે તેમાં લેક્ટિક એસિડ છે. જે કરચલી ઘટાડવામાં મદદ કરે છે અને ત્વચાને મુલાયમ બનાવે છે. ત્વચા પર સીધુ જ દૂધ લગાવી શકો છો અથવા તો તેને વસ્તુઓ સાથે ભેળવીને ફેસ પેક બનાવી શકો છો.
02. સુર્યની સ્કીન પર થતા નુકસાનથી બચાવે છે : વધુ પડતા સનબર્નથી સ્કીનને ખૂબ નુકસાન થાય છે ત્વચા ટેન થતી જોવા મળે છે. જેના માટે કોટન પેડ પર ઠંડુ દૂધ લઇ શકો છો અને પછી તેને તમારી ત્વચા પર લગાવી શકો છો.
03. ત્વચાને ભેજયુકત બનાવે છે : દૂધ ત્વચા માટે ખૂબ જ સારું મોઈશ્ચરાઈઝર છે. શિયાળા દરમિયાન તે ત્વચાની શુષ્કતા દૂર કરે છે અને તેને સ્વસ્થ બનાવે છે.
04. ખીલ ઘટાડવામાં મદદ કરે છે : દૂધમાં ઘણા બધા વિટામીન હોય છે અને તે ત્વચા માટે ફાયદાકારક છે. કાચા દૂધમાં ખીલ વાળી ત્વચાની સારવાર કરવામાં મદદ મળે છે તે વધારાનું તેલ અને ગંદકીને સાફ કરે છે. કાચા દૂધને કોટન પેડ પર લો અને સ્વચ્છ ચહેરા પર લગાવો. આનાથી ધીમે ધીમે ખીલ દૂર થવા લાગશે.
(અસ્વીકરણ : સલાહ સહિતની આ સામગ્રી માત્ર સામાન્ય માહિતી પ્રદાન કરે છે તે કોઇપણ રીતે યોગ્ય તબીબી અભિપ્રાયનો વિકલ્પ નથી. વધુ વિગતો માટે હંમેશા નિષ્ણાંત અથવા તમારા ડોકટરની સલાહ લો.)
