Monday, April 22, 2024
Homeરાજ્યહાલારગટરનું પાણી ઘર પાસેથી પસાર થવાની બાબતે વૃદ્ધ દંપતી ઉપર હુમલો

ગટરનું પાણી ઘર પાસેથી પસાર થવાની બાબતે વૃદ્ધ દંપતી ઉપર હુમલો

બુટાવદરમાં દંપતીએ વૃદ્ધ દંપતી ઉપર હુમલો કર્યો : પથ્થરના ઘા અને પાઈપ વડે માર માર્યો : વૃદ્ધ દંપતી અને તેની પુત્રવધૂને ઈજા : પોલીસ દ્વારા કાર્યવાહી

- Advertisement -

જામજોધપુર તાલુકાના બુટાવદર ગામમાં ગટરનું પાણી ઘર પાસેથી નિકળ્યાનો ખાર રાખી દંપતીએ વૃદ્ધ દંપતી અને તેની પુત્રવધૂ ઉપર પથ્થરમારો અને લોખંડના પાઈપ વડે હુમલો કરી ગંભીર ઈજા પહોંચાડી પતાવી દેવાની ધમકી આપ્યાના બનાવમાં પોલીસે તપાસ આરંભી હતી.

- Advertisement -

હુમલાના બનાવની વિગત મુજબ, જામજોધપુર તાલુકાના બુટાવદર ગામમાં રહેતા અને ખેતી કરતા અશોકભાઈ સોલંકી નામના યુવાનના ઘરની ગટરનું પાણી દેવરાજ સોલંકીના દરવાજા પાસેથી નિકળ્યાનો ખાર રાખી દેવરાજ ભીખા સોલંકી, અને તેની પત્ની સાનુબેન દેવરાજ સોલંકી નામના દંપતીએ ગત રવિવારે સાંજના સમયે અશોકભાઈના પિતા જીવાભાઈ જશાભાઈ સોલંકી નામના વૃદ્ધ અને તેની પત્ની સોનલબેન તથા પુત્રવધૂ લીલાબેનને અપશબ્દો બોલી છૂટા પથ્થરોના ઘા તથા લોખંડના પાઈપ વડે હુમલો કરતા સોનલબેન નામના પ્રૌઢાને માથામાં ગંભીર ઈજા પહોંચી હતી તેમજ વૃદ્ધ જીવાભાઈને ધકો મારી પછાડી દઇ પતાવી દેવાની ધમકી આપી હતી. વૃદ્ધ દંપતી અને તેની પુત્રવધૂ ઉપર કરાયેલા હુમલામાં ત્રણેય ઈજાગ્રસ્તોને સારવાર માટે હોસ્પિટલમાં ખસેડવામાં આવ્યાં હતાં. જ્યાં બનાવની જાણ થતા પીએસઆઇ વાય.આર. જોશી તથા સ્ટાફે જીવાભાઈના નિવેદનના આધારે વૃદ્ધ દંપતી વિરૂધ્ધ ગુનો નોંધી તપાસ આરંભી હતી.

- Advertisement -
RELATED ARTICLES
- Advertisment -

Most Popular