જામનગર શહેરમાં દિગ્જામ સર્કલ પાસેથી એલસીબીની ટીમે કારમાંથી દારૂ-બીયરના જથ્થા સાથે બે શખ્સોને ઝડપી લઇ અને લાલપુર તાલુકાના સીંગચ ગામમાં રહેણાંક મકાનમાંથી 32 બોટલ દારૂના જથ્થા સાથે શખ્સને ઝડપી લીધો હતો. એલસીબીએ બે દરોડામાં રૂા.1,39,000 ની કિંમતના મુદ્દામાલ સાથે ત્રણ શખ્સોને ઝડપી લઇ આગળની કાર્યવાહી હાથ ધરી હતી.
દરોડાની વિગત મુજબ, જામનગર શહેરમાં દિગ્જામ સર્કલ પુલ નીચેથી કારમાં દારૂના જથ્થા સાથે શખ્સ પસાર થવાનો હોવાની એલસીબીના રાકેશ ચૌહાણ, ઘનશ્યામ ડેરવાડિયા તથા ધાના મોરીને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચનાથી એલસીબીના પીઆઇ કે.કે. ગોહિલ સૂચનાથી પીએસઆઈ આર.બી.ગોજિયા તથા સ્ટાફના સંજયસિંહ વાળા, હરપાલસિંહ સોઢા, અશ્ર્વિનભાઈ ગંધા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, રાકેશ ચૌહાણ, લખમણભાઈ ભાટિયા, સુરેશભાઈ માલકિયા, ધમેન્દ્રસિંહ જાડેજા અને દયારામ ત્રિવેદી, ભારતીબેન ડાંગર સહિતના સ્ટાફે દિગ્જામ સર્કલ પુલ નીચેથી કારને આંતરીને તલાસી લેતા તેમાંથી રૂા.12400 ની કિંમતની 31 બોટલ દારૂ અને 4000 ની કિંમતના 40 નંગ બીયરના ટીન તથા મોબાઇલ સહિત રૂા.1,26,400 ના મુદ્દામાલ સાથે યોગેશ ઉર્ફે ટકો હરીશ ભરડવા અને અજયકુમાર ઉર્ફે છોટુ નરેન્દ્રકુમાર બાલીયા નામના બે શખ્સોની ધરપકડ કરી હતી.
એલસીબી દ્વારા બન્નેની પૂછપરછ કરાતા આ દારૂનો જથ્થો ગોકુલનગરના ભીમશી ગોજિયા દ્વારા સપ્લાય કરાયો હોવાની કેફીયત આપી હતી. તેમજ એલસીબીની ટીમે લાલપુર તાલુકાના સીંગચ ગામના નવી સોસાયટીમાં રહેતા ગીરીરાજસિંહ બાલુભા વાઢેરના રહેણાંક મકાનમાંથી રેઈડ દરમિયાન રૂા.12800 ની કિંમતની દારૂની 32 બોટલ મળી આવતા ધરપકડ કરી પૂછપરછ હાથ ધરતા આ દારૂનો જથ્થો યોગેશ ઉર્ફે ટકો હરીશ ભરડવા એ સપ્લાય કર્યાની કેફીયત આપી હતી. જેના આધારે એલસીબીએ બે દરોડામાં ત્રણ શખ્સોની ધરપકડ કરી રૂા.1,39,200 નો મુદ્દામાલ કબ્જે કરી ચાર શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.
