જામનગર સહિત હાલાર પંથકમાં વરસાદી માહોલ છવાયો છે છેલ્લા 24 કલાક દરમિયાન જોડિયા તાલુકાના બાલંભામાં 3 ઇંચ તથા પીઠડમાં અઢી ઇંચ વરસાદ નોંધાયો હતો. આ ઉપરાંત અન્ય ગ્રામ્ય વિસ્તારોમાં તથા જામનગરના વિવિધ તાલુકાઓમાં પણ છુટો છવાયો વરસાદ જોવા મળ્યો હતો.
જામનગર તથા દેવભૂમિ દ્વારકા જિલ્લામાં મેઘાવી માહોલ છવાયેલો જોવા મળી રહ્યો છે છેલ્લા બે-ત્રણ દિવસથી જામનગર શહેરમાં છુટા છવાયા વરસાદી ઝાપટા વરસી રહ્યા છે. જામનગર પંથકમાં મેઘરાજાએ પડાવ નાખ્યો છે. જેના પરિણામે શહેરના અનેક વિસ્તારોમાં કાદવ, કિચડ પણ છવાયા છે. આજે સવારે 6 વાગ્યે પુરા થતાં છેલ્લા 24 કલાકમાં જોડિયા તાલુકાના બાલંભામાં 3 ઇંચ, પીઠડમાં અઢી ઇંચ, હડિયાણામાં અડધો ઇંચ, કાલાવડ તાલુકાના ભલસાણ બેરાજામાં એક ઇંચ, મોટા પાંચ દેવડામાં એક ઇંચ, નવાગામ, મોટાવડાળા, ખરેડી તથા નિકાવામાં અડધો-અડધો ઇંચ, જામજોધપુર તાલુકાના ધ્રાફા તથા પરડવામાં એક-એક ઇંચ, જામવાડીમાં અડધો ઇંચ, વાંસજાળીયામાં પોણો ઇંચ, સમાણામાં પોણો ઇંચ, શેઠવડાળા તથા ધુનડામાં 6-6 મી.મી., લાલપુર તાલુકાના મોટા ખડબામાં એક ઇંચ, પીપરટોડા તથા પડાણામાં અડધો-અડધો ઇંચ, હરીપરમાં 9 મી.મી., ભણગોરમાં 7 મી.મી., મોડપરમાં 3 મી.મી., જામનગર તાલુકાના અલીયાબાડામાં એક ઇંચ, મોટી ભલસાણમાં પોણોઇંચ, તથા વસઇ લાખાબાવળ મોટી બાણુગાર, જામવંથલી, દરેડમાં વરસાદી ઝાપટા જોવા મળ્યા હતાં.
ગ્રામ્ય વિસ્તારો ઉપરાંત જામનગર શહેર જિલ્લામાં છુટો છવાયો વરસાદ જોવા મળ્યો હતો. કાલાવડ તાલુકામાં દોઢ ઇંચ, જામજોધપુરમાં પોણો ઇંચ, લાલપુરમાં અડધો ઇંચ, જોડિયામાં પોણો ઇંચ તથા જામનગર અને ધ્રોલ તાલુકામાં વરસાદી ઝાપટા જોવા મળ્યા હતાં.
