જામનગર શહેરમાંથી એકીબેકીનો જૂગાર રમતા બે શખ્સ ઝડપાયા

જામનગર શહેરમાં પવનચકકી સર્કલ પાસે જાહેરમાં એકી બેકીના આંકડા બોલી ચલણી નોટોનો જૂગાર રમતા બે શખ્સોને સિટી એ ડીવીઝન પોલીસે ઝડપી લઇ રોકડ રકમ કબ્જે કરી હતી.

જૂગાર દરોડાની વિગત મુજબ, જામનગર શહેરમાં પવનચકકી સર્કલ પાસે આવેલી વાડીની બાજુમાં જાહેરમાં એકી બેકીનો જૂગાર રમતો હોવાની બાતમીના આધારે સિટી એ ડીવીઝન પોલીસ સ્ટાફે રેઈડ દરમિયાન પ્રવિણ ગોરધન કનખરા અને ઉમેદ વલ્લભ લખીયર નામના બે શખ્સોને રૂા.10,500 ની કિંમતની રોકડ રકમ સાથે ઝડપી લઇ બન્ને શખ્સો વિરૂધ્ધ જુગારધારા હેઠળ ગુનો નોંધી આગળની કાર્યવાહી હાથ ધરી હતી.