પથ્થરમારો કરી કારમાં નુકસાન પહોંચાડનાર શખ્સ વિરૂધ્ધ ફરિયાદ

ધ્રોલ ગામમાં મોચીબજાર વિસ્તારમાં દુકાનદાર વેપારી ઉપર અપશબ્દો બોલી પથ્થરોના ઘા કરી કારના કાચ તોડી નાખ્યાના બનાવમાં શખ્સ વિરૂધ્ધ ગુનો નોંધી તપાસ આરંભી હતી.

આ અંગેની વિગત મુજબ, ધ્રોલ ગામમાં મોચીબજાર વિસ્તારમાં સોની વેપારી તેજશભાઈ મુકુંદરાય ફીચડીયા નામના યુવાનને વાણીયા ચોક વિસ્તારમાં રહેતો આસીફ કાસમ બીનસીદીક નામના શખ્સે અપશબ્દો બોલી પથ્થર મારો કરી વેપારીની જીજે-05-સીકે-3107 નંબરની કારનાં કાચ તોડી નાખ્યા હતાં. તેમજ અન્ય લોકોના ઘર ઉપર પથ્થરમારો કર્યો હતો. આ શખ્સ દ્વારા પથ્થરમારો કરી મકાનોમાં અને વાહનોમાં નુકસાન પહોંચાડયા અંગેની જાણ કરાતા હેકો એચ.બી. સોઢીયા તથા સ્ટાફે ગુનો નોંધી આસિફ બીનસીદીકની શોધખોળ માટે ચક્રો ગતિમાન કર્યા હતાં.