દિવાળીના પવિત્ર તહેવારોને ધ્યાને રાખીને ગુજરાત રાજ્ય માર્ગ વાહન વ્યવહાર નિગમના જામનગર વિભાગ દ્વારા સમગ્ર ગુજરાત રાજ્યના અલગ-અલગ જિલ્લાઓમાં મુસાફરો પોતાના વતન સરળતાથી આવી-જઈ શકે તે માટે વિશેષ એક્સ્ટ્રા બસોનું આયોજન કરવામાં આવ્યું છે.
જામનગર એસ.ટી. વિભાગ દ્વારા તા.04/11/2026 થી તા. 24/11/2026 દરમિયાન વિશેષ એક્સ્ટ્રા બસોનું સંચાલન કરવામાં આવશે. આ તહેવારો દરમિયાન મુસાફરોની સુવિધા અર્થે ડેપો ખાતેથી એક્સ્ટ્રા બસોનું એડવાન્સ બુકિંગ શરૂ કરવામાં આવ્યું છે. આ ઉપરાંત, એક જ ગ્રુપના 51 કે તેથી વધુ મુસાફરો ગ્રુપ બુકિંગ કરાવશે તો એસ.ટી. નિગમ દ્વારા ખાસ એક્સ્ટ્રા બસની સુવિધા પૂરી પાડવામાં આવશે. આ દિવાળી તહેવારો દરમિયાન જામનગર અને દ્વારકા ડેપો ખાતેથી વિવિધ મુખ્ય રૂટો જેવા કે દ્વારકા-જામનગર રૂ.206, દ્વારકા-રાજકોટ રૂ.276, દ્વારકા-પોરબંદર રૂ.175, દ્વારકા-સોમનાથ રૂ.284, દ્વારકા-જૂનાગઢ રૂ.264, જામનગર-દાહોદ રૂ.456, જામનગર-સંજેલી રૂ.434, જામનગર-જૂનાગઢ રૂ.200, જામનગર-ઝાલોદ રૂ.420, ધ્રોલ-દાહોદ રૂ.415, ધ્રોલ-મંડોર રૂ.443, જામનગર-છોટાઉદેપુર રૂ.428, ખંભાળિયા-દાહોદ રૂ.482 તેમજ જામજોધપુર-દાહોદ રૂ.455 સહિતના રૂટો પર નિયત ભાડા સાથે બસો ઉપલબ્ધ રહેશે.
જેથી ઉપરોક્ત દિવાળી તહેવારો દરમિયાન જાહેર જનતાને એસ.ટી.નિગમની આ એક્સ્ટ્રા બસ સેવાઓનો વધુમાં વધુ લાભ લેવા વિભાગીય નિયામક એસ.ટી. જામનગર દ્વારા અનુરોધ કરવામાં આવ્યો છે.
