બેડ ગામમાંથી જૂગાર રમતા ત્રણ શખ્સ ઝડપાયા

જામનગર તાલુકાના બેડ ગામની હાઈસ્કૂલ પાછળ આવેલા ખુલ્લા મેદાનમાં તીનપતિનો જૂગાર રમતા મહિલા સહિત ત્રણ શખ્સોને પોલીસે રૂા.3450 ની રોકડ રકમ અને ગંજીપના સાથે ઝડપી લીધા હતાં.

જૂગાર દરોડાની વિગત મુજબ, જામનગર તાલુકાના બેડ ગામમાં આવેલી હાઈસ્કૂલની પાછળના ખુલ્લા મેદાનમાં બાવળની ઝાળીઓમા તીનપતિનો જૂગાર રમતા સતાર ઉમરભાઈ માકોડા, ફરીદ ઈબ્રાહિમ ચૌહાણ અને એક મહિલા સહિત ત્રણ શખ્સોને સીક્કા પોલીસે રેઈડ દરમિયાન રૂા.3450 ની રોકડ રકમ અને ગંજીપના સહિતનો મુદ્દામાલ કબ્જે કરી અટકાયત કરી આગળની કાર્યવાહી હાથ ધરી હતી.