Friday, July 19, 2024
Homeઆંતરરાષ્ટ્રીયસીરિયા પર અમેરિકાની એરસ્ટ્રાઇક

સીરિયા પર અમેરિકાની એરસ્ટ્રાઇક

ઇરાન સમર્પિત આતંકી સંગઠન IRGS વિરૂધ્ધ કાર્યવાહી : આત્મરક્ષા માટે હુમલા કર્યાનો અમેરિકાનો દાવો

- Advertisement -

હમાસ અને ઈઝરાયેલ વચ્ચે ચાલી રહેલા યુદ્ધ વચ્ચે અમેરિકાએ પૂર્વ સીરિયા પર હુમલો કર્યો છે. આતંકવાદીઓના ઠેકાણાઓ પર હવાઈ હુમલા કરતી વખતે અમેરિકાએ અહીં ભારે બોમ્બમારો કર્યો છે. અમેરિકી રક્ષા મંત્રાલયે કહ્યું કે આતંકવાદીઓ અમેરિકન ટાર્ગેટ પર હુમલો કરી રહ્યા હતા અને અમે સ્વરક્ષણમાં હુમલો કર્યો. અમેરિકાના મતે આ આતંકી હુમલા ઈરાનના ઉશ્કેરણી પર થઈ રહ્યા હતા.

- Advertisement -

પૂર્વી સીરિયામાં જ્યાંથી હુમલો થયો હતો ત્યાંથી આતંકીઓ ઓપરેટ કરી રહ્યા હતા. ઈરાન સાથે મળીને ત્યાંના અમેરિકન સૈન્ય મથકો પર આતંકવાદી હુમલા કરવામાં આવ્યા હતા. તેથી અમે સ્વ-બચાવમાં બદલો લીધો છે
પેન્ટાગોન દ્વારા જારી કરાયેલા એક નિવેદન અનુસાર, રાષ્ટ્રપતિ બિડેનના નિર્દેશ પર, ઁયુએસ સૈન્ય દળોએ ઈરાનના ઈસ્લામિક રિવોલ્યુશનરી ગાર્ડ કોપ્ર્સ અને પૂર્વી સીરિયામાં સંકળાયેલા આતંકવાદી લક્ષ્યો સામે સ્વ-રક્ષણ હુમલા કર્યા. ઈરાક અને સીરિયા સ્થિત આતંકવાદી સંગઠનો ઈરાનના ઉશ્કેરણી પર અમેરિકન સૈન્ય દળો પર જે હુમલાઓ કરી રહ્યા હતા તેનો આ જવાબ છે. એક હુમલામાં, એક અમેરિકન નાગરિક કોન્ટ્રાક્ટર જ્યારે આશ્રય લેવા માટે કોઈ જગ્યાએ જઈ રહ્યો હતો ત્યારે માર્યો ગયો. આ સમયગાળા દરમિયાન, 21 અમેરિકન કર્મચારીઓને સામાન્ય ઇજાઓ થઈ હતી, પરંતુ તમામ ફરજ પર પાછા ફર્યા છે. બિડેને કહ્યું કે અમેરિકી કર્મચારીઓની સુરક્ષા કરતાં અમારી કોઈ ઉચ્ચ પ્રાથમિકતા નથી. તેમણે કહ્યું, આજની કાર્યવાહી એ હકીકતનો જવાબ છે કે અમેરિકા આવા હુમલાઓને સહન નહીં કરે અને પોતાની, પોતાના કર્મચારીઓ અને પોતાના હિતોની રક્ષા કરશે. યુનાઇટેડ સ્ટેટ્સ મુકાબલો ઇચ્છતું નથી અને વધુ દુશ્મનાવટમાં સામેલ થવાનો તેનો કોઇ ઇરાદો કે ઇચ્છા નથી, પરંતુ યુએસ દળો સામે આ ઇરાન સમર્થિત હુમલાઓ સંપૂર્ણપણે અસ્વીકાર્ય છે અને તે બંધ થવું જોઇએ, યુએસ નિવેદનમાં કહેવામાં આવ્યું છે. ઈરાન પોતાના હાથ છુપાવવા માંગે છે અને આપણા દળો સામેના આ હુમલાઓમાં તેની ભૂમિકાને નકારવા માંગે છે. અમે તેમને આવું કરવા નહીં દઈએ. જો અમેરિકી દળો સામે ઈરાની પ્રોક્સીઓ દ્વારા હુમલા ચાલુ રહેશે, તો અમે અમારા લોકોની સુરક્ષા માટે વધુ જરૂરી પગલાં લેવામાં અચકાઈશું નહીં.

- Advertisement -
RELATED ARTICLES
- Advertisment -

Most Popular